نائب صدر پاکستان پیپلز پارٹی سینیٹر شیری رحمان کا کہنا ہے کہ  ‏پاکستان کے صحافی میڈیا اتھارٹی کے خلاف احتجاج کر رہے ہیں۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں انہوں نے لکھا کہ  حکومت ابھی بھی متنازعہ میڈیا اتھارٹی قائم کرنے پر بضد ہے، اتھارٹی کے متعلق قانونی مسودہ تاحال نہ پارلیمان کو دیا گیا ہے نہ ہی صحافتی تنظیموں کو دیا ہے۔

All of civil society, journalist orgs,political parties have rejected the PMDA but govt continues to ignore the voice of the people to push ahead a law it wants to keep secret from parliament. Why the cloak & dagger? Why hasn’t it been shared w parliamentary committee? #notoPMDA

— SenatorSherryRehman (@sherryrehman) September 13, 2021

  شیری رحمان نے مزید لکھا کہ اتھارٹی میں ایسا کیا ہے جو حکومت پارلیمان اور صحافیوں سے خفیہ رکھ رہی ہے، حکومت شفافیت سے کیوں ڈر رہی ہے۔

انہوں نے لکھا کہ ‏پی ایم ڈی اے میڈیا کو کنٹرول کرنے کا ایک آمرانہ فیصلہ ہے ،  تباہی سرکار پہلے ہی میڈیا  اسنسرشپ کے حوالے سے بدنام ہے۔

شیری رحمان نے یہ بھی لکھا کہ نام نہاد میڈیا ڈویلپمینٹ اتھارٹی درحقیقت آزادی صحافت کے خلاف اس حکومت کی ایک سازش ہے، اس سازش کو ہم کامیاب ہونے نہیں دینگے۔

انہوں نے یہ بھی لکھا کہ حکومت کے دل میں چور نہیں تو قانونی مسودہ پیش کرے۔