حکومتِ پنجاب نےاسپیشل افراد کے لئے خصوصی ”ہمت کارڈ“ اور بیت المال کے تحت ”نگہبان کارڈ“ کے اجراء کا فیصلہ کیا ہے۔
وزیر اعلیٰ پنجاب مریم نواز شریف کی زیر صدارت خصوصی اجلاس ہوا، جس میں سوشل ویلفیئر اینڈ بیت المال ڈیپارٹمنٹ سے متعلق تفصیلی بریفنگ دی گئی۔
وزیر اعلیٰ مریم نواز شریف نے اسپیشل افراد کا مستند ڈیٹا مرتب کرنے کی ہدایت کر دی ہے، اسپیشل افراد کے لئے خصوصی ”ہمت کارڈ“ اور بیت المال کے تحت ”نگہبان کارڈ“ کے اجراء کا بھی فیصلہ کیا گیا۔
معذوری کے ساتھ کام کرنے کے اہل افراد کے لئے قرضہ سکیم کا اجراء اور معذور افراد کو وہیل چیئر اور دیگر مددگار آلات مہیا کرنے کا فیصلہ بھی کیا گیا۔
اسپیشل افراد کو مالی خودمختاری کے لئے ایک سے دو لاکھ روپے قرضہ دیا جائے گا۔
ہر ڈویژن میں خواتین پر تشدد کے سد باب کے لئے وی اے ڈبلیو سی سنٹر بننے کی منظوری کی گئی، لاہور، ملتان اور فیصل آباد کے سکلز ڈویلپمنٹ سنٹر کو فعال بنانے اور دیگر اضلاع میں قائم کرنے کا جائزہ لیا گیا۔
اسپیشل افراد کے لئے کام کرنے والی این جی اوز کے آڈٹ کی تجویز کا جائزہ لیا گیا، سرکاری عمارتوں میں ریمپ اوراسپیشل پرسن باتھ روم کی پابندی پر عملدرآمد کی رپورٹ طلب کر لی گئی۔
ہر نئی سرکاری بلڈنگ میں اسپیشل افراد کے لئے باتھ روم اور ریمپ لازمی قرار دیا گیا۔
وویمن پروٹیکشن اتھارٹی ٹاسک فورس بنانے کی سفارشات پر غور کیا گیا، ہر ڈویژن میں منشیات بحالی سنٹرز کے قیام کی تجویز کا بھی جائزہ لیا گیا۔
سوشل ویلفیئر اینڈ بیت المال ڈیپارٹمنٹ کی ڈیجیٹلائزیشن کی اصولی منظوری دی گئی۔
سینئر صوبائی وزیر مریم اورنگزیب، سینیٹرپرویز رشید، صوبائی وزیر سوشل ویلفیئر اینڈ بیت المال سہیل شوکت بٹ، ایم پی اے ثانیہ عاشق، پرنسپل سیکرٹری ،سیکرٹری سوشل ویلفیئر اور دیگر متعلقہ حکام بھی موجود تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News