گلوکار فلک شبیر کی جانب سے عوامی مقامات پر مختصر لباس کے حوالے سے قانون سازی کی تجویز پر جاری بحث پر مسلم لیگ (ن) کی رہنما حنا پرویز بٹ نے فلک شبیر کے مؤقف پر تنقید کرتے ہوئے خواتین کے لباس سے متعلق مباحث کو غیر ضروری قرار دے دیا۔
سماجی رابطے کے پلیٹ فارم ایکس پر اپنے بیان میں حنا پرویز بٹ نے کہا کہ مجھے سمجھ نہیں آتی کہ بعض افراد کی توجہ خواتین کے لباس پر ہی کیوں مرکوز رہتی ہے۔ دنیا کے کئی ممالک میں لوگ اپنی ذمہ داریوں اور اہم سماجی مسائل پر توجہ دیتے ہیں جبکہ پاکستان میں اکثر اوقات خواتین کے لباس سے متعلق مباحث نمایاں ہوجاتے ہیں۔
View this post on Instagram
انہوں نے استنبول کی مثال دیتے ہوئے کہا کہ وہاں خواتین کے لباس پر غیر ضروری تبصرے یا بحث نہیں کی جاتی جبکہ پاکستان میں ایسے موضوعات کو بلاوجہ اہمیت دی جاتی ہے، اس قسم کی سوچ اور رویے معاشرتی ترقی کی راہ میں رکاوٹ بن سکتے ہیں۔
حنا پرویز بٹ نے مزید کہا کہ لوگوں کو دوسروں کی ذاتی زندگی اور طرزِ لباس پر رائے دینے کے بجائے اپنے معاملات اور معاشرے کو درپیش اہم مسائل پر توجہ دینی چاہیے جو مجموعی طور پر زیادہ مثبت اور تعمیری ثابت ہو سکتا ہے۔
View this post on Instagram
واضح رہے کہ فلک شبیر کی جانب سے عوامی مقامات پر مختصر لباس کے حوالے سے قانون سازی کی اپیل کے بعد سوشل میڈیا پر اس موضوع پر مختلف آرا سامنے آ رہی ہیں۔
