سری لنکا اے ٹیم کے ہاتھوں سنسنی خیز مقابلے میں شکست کے بعد بھارت اے کرکٹ ٹیم کے کھلاڑیوں کا ردعمل جذباتی حدوں کو چھوتا دکھائی دیا جس کی ویڈیو سوشل میڈیا پر تیزی سے وائرل ہو رہی ہے۔
میچ کے بعد میدان میں کشیدگی اس وقت بڑھ گئی جب بھارتی بیٹر سوریا ونشی اور سری لنکن کھلاڑی وشین ہالامباگے کے درمیان تلخ کلامی کے بعد جسمانی جھڑپ کی صورتحال پیدا ہوگئی۔
ویڈیو میں دیکھا جا سکتا ہے کہ سوریا ونشی نے حریف کھلاڑی کو دھکا دیا جس کے جواب میں سری لنکن کھلاڑی نے بھی فوری ردعمل دیتے ہوئے اسے پیچھے ہٹایا۔
🚨 HEATED ARGUMENT BETWEEN VAIBHAV AND SRI LANKA 🚨
Sri Lankan Players : This is not an IPL, this Int’l cricket 🧐
Vaibhav Sooryavanshi : This is not the end of the tournament, just a normal match 🤪
Sri Lankan started this and Vaibhav ended it 😳pic.twitter.com/QDNbFftd0t
— Ajay Jadeja (@AjayJadeja171) June 15, 2026
صورتحال اس قدر کشیدہ ہوگئی کہ دونوں ٹیموں کے دیگر کھلاڑیوں کو فوری طور پر مداخلت کرنا پڑی اور معاملہ رفع دفع کرایا گیا۔
اس سے قبل میچ کے دوران بھارتی کپتان تلک ورما بھی امپائرنگ فیصلوں پر شدید ناراضی کا اظہار کرتے ہوئے بار بار امپائرز سے بحث کرتے رہے۔
یاد رہے کہ مقررہ اوورز میں فیصلہ کن برتری حاصل نہ کر سکنے کے بعد بھارت اے ٹیم سپر اوور میں بھی دباؤ برداشت نہ کر سکی اور صرف 17 رنز کا ہدف حاصل کرنے میں ناکام رہی، جس کے بعد انہیں شکست کا سامنا کرنا پڑا۔
