لاہور: بابر اعظم کو ویسٹ انڈیز اور انگلینڈ کے دورے کے لیے پاکستان ٹیسٹ ٹیم کا کپتان مقرر کر دیا گیا ہے۔

قومی سلیکشن کمیٹی نے پریس کانفرنس کے دوران اعلان کیا کہ پاکستان کی 16 رکنی اسکواڈ میں بابر اعظم (کپتان)، شان مسعود، امام الحق، اذان اویس، عبداللّٰہ فضل، سلمان علی آغا، غازی غوری اور محمد رضوان شامل ہیں۔

اس کے علاوہ ساجد خان، علی عثمان، عامر جمال، محمد علی، محمد عباس، عبید شاہ، اویس ظفر اور خرم شہزاد بھی اسکواڈ کا حصہ ہیں جبکہ مڈل آرڈر بیٹر سعود شکیل فٹنس مسائل کے باعث ٹیم میں شامل نہیں ہوسکے۔

پاکستان کرکٹ بورڈ کے ڈائریکٹر ہائی پرفارمنس عاقب جاوید نے کہا کہ سلیکشن کمیٹی مختلف فارمیٹس میں کارکردگی کو مدنظر رکھ کر فیصلے کر رہی ہے۔ کپتانی میں تبدیلی ٹیم کی کارکردگی بہتر بنانے کے لیے کی گئی ہے۔

سابق کپتان مصباح الحق نے کہا کہ کرکٹ میں تسلسل بہت اہم ہوتا ہے اور اسی سے کامیابی حاصل ہوتی ہے۔

واضح رہے کہ پاکستان ٹیم دورے کا آغاز ویسٹ انڈیز کے خلاف ٹیسٹ میچز سے کرے گی۔ قومی ٹیم 18 جولائی کو ٹرینیڈاڈ کے شہر ٹراوبا میں وارم اپ میچ کھیلے گی جبکہ پہلا ٹیسٹ 25 سے 29 جولائی تک اسی مقام پر ہوگا۔