چینی فنکار کی ٹوتھ پیسٹ سے بنائی گئی تصاویر سوشل میڈیا پر وائرل ہو رہی۔

تفصیلات کے مطابق چین کے صوبے ہیوبیائی سے تعلق رکھنے والے ژیونگ چنگ زین دنیا کے واحد مصور ہیں جنہوں نے ٹوتھ پیسٹ سے تصاویر بنائی ہیں۔

دلچسپ یہ کہ ژیونگ ایک طرح سے آئینے پر تصویر کا نگیٹو بناتےہیں اور وہ بھی ٹوتھ پیسٹ سے اور جب اس پر روشنی پڑتی ہے تو وہ پازیٹو یعنی اصلی تصویر میں ڈھل جاتا ہے۔

انسٹاگرام اورفیس بک پر ان کے چاہنے والوں کی تعداد لاکھوں تک پہنچ چکی ہے۔

خیال رہے کہ ژیونگ اس طریقے سے اب تک وہ کئی مشہور شخصیات اور فنکاروں کی تصاویر بناچکے ہیں اور دنیا بھر سے داد سمیٹ رہے ہیں۔

ژیونگ  نے بتایا کہ ٹوتھ پیسٹ سے تصویر بنانا بہت مشکل کام ہے، ٹوتھ پیسٹ کے ذریعے دو سے تین گھنٹے میں آئینے پر اتار دیتے ہیں۔

یاد رہے کہ پیسٹ تھوڑی دیر میں جم کر سخت ہوجاتا ہے تو کسی غلطی کو درست کرنا ممکن نہیں رہتا اس کے باوجود وہ ہفتے میں ٹوتھ پیسٹ کی کئی نلکیاں خالی کردیتے ہیں۔

واضح رہے کہ اب تک وہ مائیکل جیکسن ، مونا لیزا اور مارلن منرو سمیت کئی شخصیات کی پورٹریٹس بناچکے ہیں۔