کراچی کے 22 سالہ نوجوان جو کہ ایران سے آنے کے بعد ہی حکومت کی جانب سے کورونا وائرس کے شبہ میں مبتلا ہوگیا تھا با لاخر اس نوجوان نے کورونا وائرس کو شکست دے دی ہے۔
محکمہ صحت سندھ کی جانب سے22 سالہ نوجوان کے ٹیسٹ میں کورونا وائرس کی تصدیق نہیں ہوئی جس کے بعد کراچی سے رپورٹ ہونے والا کورونا وائرس کو شکست دے کر نوجوان صحتیاب ہوگیا ہے۔
محکمہ صحت سندھ کا کہنا ہے کہ مکمل صحتیاب ہونے کے بعد 22 سالہ نوجوان یحییٰ جعفری کو آغا خان اسپتال کے آئسولیشن وارڈ سے کل ڈسچارج کیا جائے گا جبکہ یحیی جعفری کو اسپتال اور متعلقہ حکام نے کلیئرنس دے دی گئی ہے۔
کورونا وائرس ، پاکستان میں نو لاکھ افراد کے بے روزگار ہونے کا خدشہ
وزیر اعلیٰ کے حکم کے مطابق یحییٰ جعفری کو کل ڈسچارج کیا جائے گا۔
یاد رہے کہ 22 سالہ یحی جعفری میں 26 فروری کو کورونا وائرس کی تصدیق ہوئی تھی جبکہ 22 سالہ یحییٰ جعفری 20 فروری کو بذریعہ پرواز ایران سے کراچی آیا تھا۔
کورونا وائرس
عالمی ادارہ صحت کے مطابق پھیپھڑوں کے شدید عارضے میں مبتلا کرنے والا وائرس جو چین سے شروع ہوا تھا اب 38 ممالک تک پھیل چکا ہے۔ چین میں اب تک کورونا وائرس سے 78 ہزار سے زائد افراد متاثر ہو چکے ہیں جبکہ 2700 ہلاک ہوئے ہیں۔
یہ وائرس پاکستان اور اس کے ہمسایہ ممالک میں پہنچ چکا ہے۔ پاکستان میں اگرچہ اس کے صرف دو کیسز کی تصدیق ہوئی ہے تاہم ایران اور افغانستان سے ملحق سرحدوں کے علاوہ بین الاقوامی ہوائی اڈوں پر سکریننگ بڑھا دی گئی ہے۔
اس بیماری جسے کووڈ 19 کا نام دیا گیا سے مرنے والوں کی شرح ایک سے دو فیصد رہی لیکن ان اعداد پر بھروسہ نہیں کیا جا سکتا۔
ہزاروں افراد کا علاج اب بھی جاری ہے اور شاید کچھ مر بھی جائیں اس لیے شرح اموات بڑھ بھی سکتی ہے۔ لیکن یہ بھی غیر واضح ہے کہ ہلکی پھلکے علامات والے کتنے کیسز ہیں جو رپورٹ ہی نہیں ہوئے، اس صورت میں شرح اموات کم بھی ہو سکتی ہے۔
ہر سال ایک ارب افراد انفلواینزا کا شکار ہوتے ہیں اور دو لاکھ نوے ہزار سے چھ لاکھ پچاس ہزار افراد ہلاک ہوتے ہیں۔ فلو کی شدت ہر سال بدلتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News