ایک تحقیق میں معلوم ہوا  ہے کہ درمیانی عمر میں موٹا ہونا آپ کی زندگی میں پانچ سال تک کم کر سکتا ہے۔

سائنس دانوں نے تقریباً 30 ہزار افراد کا 50 سال کے عرصے تک مطالعہ کیا۔

مطالعے میں ان کو معلوم ہوا کہ وہ افراد جو صحت مند وزنی تھے، ان کی انتقال کے وقت اوسط عمر 82.3 سال تھی۔

شدید موٹاپے کا شکار ان اشخاص کو قرار دیا گیا جن کا باڈی ماس انڈیکس 40 سے زیادہ تھا۔ وہ لوگ اوسطاً 77.7 سال تک زندہ رہے۔

یہاں تک کہ وہ لوگ جو درمیانی سطح کے موٹاپے کا شکار تھے ان کی زندگی کے بھی دو سال کم ہوئے تھے۔

شیکاگو کی نارتھ ویسٹرن یونیورسٹی کے محققین نے موت کی وجوہات کا تجزیہ نہیں کیا لیکن اس بات واضح کی کہ موٹے افراد زیادہ تر ایک وقت میں کئی بیماریوں میں مبتلا تھے۔

زیادہ وزن میں مبتلا ہونا سوزش ہونے اور چکنائی کے شریانوں میں جمع ہونے کا سبب ہوتا ہے، جو دل اور دیگر اہم اعضاء پر دباؤ ڈالتا ہے۔

نئے اندازے گزشتہ مطالعوں سے کم شدید ہیں، جن میں بتایا گیا تھا شدید موٹاپا کسی شخص کی زندگی میں ایک دہائی تک کم کر سکتا ہے۔

تحقیق کا حصہ بننے والے شرکاء کو طویل تحقیق کے لیے 1960 اور 1970 کی دہائی میں چُنا گیا تھا۔

دسمبر 2015 تک 13 ہزار کے قریب شرکاء انتقال کر چکے تھے۔