دنیا بھر میں ایسے افراد کی کمی نہیں ہے جن میں نمکین یا میٹھے غیر صحت غذاؤں کی طلب ہر وقت موجود رہتی ہے یہاں تک کہ پیٹ بھرا ہونے کے باوجود بھی خواہش باقی رہتی ہے۔
ماہرین کا کہنا ہے کہ غیر صحت مند کھانوں کو اس طرح سے تیار کیا جاتا ہے جو ایک طلب کی طرح آپ میں کھانے کی خواہش کوبیدا کرتے ہیں۔ تاہم ان کا کثرت سے استعمال وزن بڑھنے کے ساتھ بہت سے صحت کے مسائل کو جنم دے سکتا ہے لہذا اسے روکنے کے لیے آپ کو فوری حکمت عملی تیار کرنے کے ضرورت ہے تاکہ آپ صحت مند رہ سکیں۔
یہ بھی پڑھیں: لیموں کے علاوہ وٹامن سی کن غذاؤں میں وافر مقدار میں موجود ہوتا ہے
یہاں پر میٹھا یا نمکین کھانے کی خواہش کے خلاف مزاحمت کرنے میں آپ کی مدد کرنے کے لیے چھ آسان ٹپس پیش کی جارہی ہیں۔
غیر صحت بخش کھانے کی خواہش کو شکست دینے کے لیے 6 آسان ٹپس
اپنی ذات کو کنٹرول کریں
اگر آپ کو کچھ بھی کھانے کی خواہش ہوتی ہے تو اپنے آپ سے یہ کہنے کے بجائے کہ میں نہیں کر سکتا بلکہ یہ کہیں کہ میں نہیں کرتا۔ اس سے آپ جو کھاتے ہیں اس پر آپ کو کنٹرول اور بااختیار بنانے کا مدد ملے گی۔ کیونکہ ایسی صورت میں آپ خود خواہش کو پورا کرنے کے سامنے رکاوٹ بن جائیں گے۔
کیلوریز مقرر کریں
اپنے لیے روزانہ کیلوریز کی ایک مقدار مقرر کریں اور اسے نوٹ کریں اور اس کے مطابق غذا کا انتخاب کریں۔ اگر آپ جس کھانے کی خواہش کر رہے ہیں وہ آپ کے روزانہ کیلوریز کی مقدار سے زیادہ ہے، تو اس طرح آپ کے پاس اسے نہ کھانے کی ایک مؤثر وجہ موجود ہے۔
صحت بخش غذا کھانے کی ترغیب دیں
اپنے آپ کو ان کھانوں کو غذا میں شامل رکھنے کے لیے ہمیشہ تیار رکھیں جن کے لیے آپ کسی قسم کی شرمندگی محسوس نہیں کرتے یعنی آپ کو ایک ایسی غذا کی طلب ہورہی جوصحت بخش ہے لیکن کیلوریز میں زیادہ ہے۔ بس انہیں کم مقدار یعنی اعتدال میں کھائیں۔ اپنی خواہش کو کنٹرول کریں۔ اس طرح کہ چاکلیٹ کے بڑی بار کے بجائے ایک چھوٹے سے ٹکڑے سے لطف اٹھائیں۔
یہ بھی پڑھیں: پتے میں پتھری کی صورت میں ان غذاؤں سے پرہیز کریں
من پسند کھانے کو صحت بخش بنالیں
آپ کوجس کھانے کی خواہش یا طلب ہورہی ہے تو اسے صحت بخش کھانے میں تبدیل کردیں اور اس میں صحت بخش اجزاء شامل کر کے استعمال کریں۔
طلب کے وقت دوسرے کاموں میں مشغول ہوجائیں
جب آپ کو غیر صحت بخش غذا کی طلب ہورہی ہو توغذا کے بجائے دوسری سرگرمیوں میں مشغول ہوجائیں جب تک کہ آپ کی خواہش ختم نہ ہوجائے۔ خواہشات عام طور پر وقت کے ساتھ کم ہوتی جاتی ہیں۔
مقررہ وقت پرغذا کی طلب کو دوسرے انداز سے روکیں
ہر روز ایک ہی وقت میں آنے والی خواہشات کا رخ موڑ دیں۔ مثال کے طور پر رات کے کھانے کے بعد چاکلیٹ کی خواہش کو دور کرنے کے لیے ایک خاص حکمت عملی اختیارکریں۔ یعنی اس طلب کو پورا کرنے کے لیے صحت بخش میٹھی غذا جیسے کسی پھل کو کھا کر اپنے آپ کو مطمئن کریں۔ یا کسی ایسی سرگرمی سے اپنے آپ کو مشغول کریں جس سے آپ لطف اندوز ہوتے ہیں جیسے ٹیلی ویژن دیکھنا یا رات کے کھانے کے بعد سیر کے لیے جانا۔
یہ بات یاد رکھیں کہ یہاں پیش کی جانے والی ٹپس آپ کو غذا کھانے سے روکنے کے لیے نہیں ہے بلکہ اس کے بجائے صحت بخش غذا شامل کرنے کے بارے میں ہے تاکہ آپ غیر صحت بخش غذا کی طلب سے محفوظ رہ سکیں اور یہ بھی دیکھ سکیں کہ آپ کیا اور کتنا کھا رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News