آج ہم آپکو بتائیں گے کہ موسمِ گرما میں تیزی سے وزن گھٹانے کے لئے کس پھل کا استعمال کرنا چاہیے۔
غذائی ماہرین کے مطابق خربوزے کی نسل گرما کو گرمیوں میں وزن کم کرنے کیلئے بہترین ہے۔
انہوں نے کہا کہ گرما ایک خوش ذائقہ پھل ہے جس میں فیٹ اور کاربو ہائیڈریٹس نہ ہونے کے برابر ہوتے ہیں۔ اگر کوئی ڈائیٹ پلان کے تحت اپنا وزن کم کرنا چاہتا ہے تو گرمیوں میں دوسری غذاؤں اور سبزیوں کی بہ نسبت گرما کا استعمال زیادہ کریں۔
گرما بلڈ پریشر کنٹرول رکھنے، دمے پر قابو پانے اور کینسر کی روک تھام کیلئے بہترین پھل ہے جبکہ اس سے ہاضمے میں بہتری، پٹھوں کی مضبوطی اور قوت مدافعت بھی بڑھتی ہے۔
ماہرین نے بتایا کہ جو لوگ اپنی جلد اور بالوں کے حوالے سے پریشان رہتے ہیں انکے لیے بھی گرما مفید ہے۔ گرما میں وٹامن سی اور وٹامن اے موجود ہوتے ہیں جو بالوں اور جلد کے ٹشوز کیلئے ضروری ہیں۔ گرما میں موجود معدنیات اور وٹامنز کی ایک رینج بالوں کو گرنے سے بھی روکتی ہے۔
جہاں غذائی ماہرین کی جانب سے گرما کھانے کے فوائد بیان کیے گئے ہیں وہیں کچھ احتیاطی تدابیر بھی بتائی گئی ہیں۔ ماہرین کے مطابق بہت زیادہ گرما کھانے سے گردوں کی بیماری ہائپر کلیمیا ہوسکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News