اقوام متحدہ جنرل اسمبلی نیویارک کے چوہترویں سالانہ اجلاس کے موقع پر وزیر خارجہ مخدوم شاہ محمود قریشی کی آئیوری کوسٹ کے وزیر خارجہ مارسل آمون تاانو سے ملاقات ہوئی ۔
دونوں رہنماووں نے ملاقات میں مقبوضہ جموں و کشمیر میں جاری انسانی حقوق کی سنگین خلاف ورزی ورزیوں سمیت، دو طرفہ باہمی دلچسپی کے امور پر تبادلہ خیال کیا گیا۔
اس موقع پر مخدوم شاہ محمود قریشی کا کہنا تھا کہ پاکستان کے آئیوری کوسٹ سمیت دیگر افریقی ممالک کے ساتھ دیرینہ تعلقات ہیں۔
ملاقات میں وزیر خارجہ کا یہ بھی کہنا تھا کہ پاکستانی فورسز نے افریقی ممالک کے جنگ زدہ علاقوں کے مکینوں کی زندگیوں کو معمول پر لانے کیلئےاقوام متحدہ کے مختلف ” امن مشنز “میں خدمات سرانجام دیئے ہیں۔
مخدوم شاہ محمود قریشی نے کہا کہ مقبوضہ جموں و کشمیر کی تشویش ناک صورتحال اور ہندوستان کی جانب سے اٹھائے گئے یکطرفہ، غیر قانونی اقدامات، کے سبب، ہمارے خطے کے امن و امان کو شدید خطرات لاحق ہو چکے ہیں۔
وزیر خارجہ نے یہ بھی کہا کہ مسئلہ کشمیر، ان دیرینہ مسائل میں شامل ہے جو گذشتہ کئی دہائیوں سے اقوام متحدہ سیکورٹی کونسل کے ایجنڈے پر موجود ہے۔
وزیر خارجہ شاہ محمود قریشی نے مزید کہا کہ ہمیں توقع ہے کہ آئیوری کوسٹ، سلامتی کونسل کا رکن ہونے کے ناطے مقبوضہ جموں و کشمیر میں جاری بھارتی مظالم کروانے اور مسئلہ کشمیر سے متعلق اقوام متحدہ کی قرارداروں پر عملدرآمد کو یقینی بنانے کیلئے اپنا بھرپور کردار ادا کریگا۔
واضح رہے گزشتہ روزنیویارک میں شاہ محمود قریشی سے صدرانٹرنیشنل کرائسز گروپ نے ملاقات کی تھی جس میں مقبوضہ کشمیرمیں انسانی حقوق کی سنگین خلاف ورزیوں پر تبادلہ خیال کیا گیا تھا۔
ملاقات میں وزیرخارجہ شاہ محمود قریشی نے کہا تھا کہ مقبوضہ کشمیرمیں انسانی جان بچانے والی دوائیں، خوراک تک میسر نہیں ہے۔
شاہ محمود قریشی نے یہ بھی کہا تھا کہ بھارت نے 5 اگست سے مقبوضہ کشمیرمیں کرفیو نافذ لگا رکھا ہے جبکہ بھارت نے 80 لاکھ کشمیریوں کو یرغمال بنا رکھا ہے، عالمی میڈیا، انسانی حقوق تنظیمیں بھارتی مظالم کا پردہ چاک کر رہی ہیں، خطےمیں دیرپا قیام امن کے لیے باہمی تنازعات کا حل ناگزیر ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News