سابق کپتان شاہد آفریدی کا کہنا ہے کہ جب تک انڈیا میں مودی سرکار ہے، پاک بھارت کرکٹ سیریز کے امکانات نظر نہیں آرہے۔
عرب خبر رساں ادارے کو انٹرویو دیتے ہوئے شاہد آفریدی کا کہنا تھا کہ حکومت پاکستان مسلسل تیار ہے لیکن بھارت کی موجودہ حکومت کو دیکھتے ہوئے دونوں ملکوں کے درمیان کرکٹ تعلقات کی بحالی کا کوئی امکان نہیں، جب تک مودی برسر اقتدار ہیں، اس وقت تک مجھے ایسا ہوتا ممکن نظر نہیں آتا۔
#WATCH: #Pakistan's former skipper @SAfridiOfficial says there's no chance of reviving #cricket ties with #India as long as Indian PM #NarendraModi is in power. || #ShahidAfridi #ANShortCuts
–
Read special by @NKMalazai: https://t.co/lAhCJb0JpX pic.twitter.com/DIZuaSwtDM— Arab News Pakistan (@arabnewspk) September 26, 2020
ایک سوال پر شاہد آفریدی کا کہنا تھا کہ انڈین پریمیئر لیگ (آئی پی ایل) ایک بڑا برانڈ ہے، پاکستان کے ٹاپ پلیئرز کا اس لیگ میں شرکت نہ کرنا نقصان دہ ہے۔
بھارت میں اپنے کرکٹ کھیلنے سے متعلق سابق کپتان نے کہا کہ بھارت میں ان کا ذاتی تجربہ اچھا رہا ہے، جو لوگ ان سے محبت کرتے ہیں، وہ کرتے رہیں گے، کسی کی بھی حکومت سے محبتیں کم نہیں ہوجاتیں۔ ۔
وزیر اعظم عمران خان کی حکومت کے حوالے سے گفتگو کرتے ہوئے شاہد آفریدی نے کہا اب وقت آ گیا ہے کہ عمران خان انتخابات سے قبل کیے گئے اپنے وعدے پورے کریں، یہ ایک بہترین موقع ہے کیونکہ فوج اور عدلیہ آپ کے ساتھ ہے اور سب ایک پیج پر ہیں۔
ان کا کہنا تھا کہ کامیابی کے لیے وزیر اعظم کے لیے موزوں وکٹ اور پچ ہے لہٰذا وزیر اعظم کو کامیابی کے لیے مضبوط ٹیم کی ضرورت ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News