یاسین ملک کی اہلیہ مشعال ملک نے کہا ہے کہ بھارتی فوج انسانیت کے خون کی پیاسی ہے۔
تفصیلات کے مطابق یاسین ملک کی اہلیہ مشعال ملک نے اقوام متحدہ کے فوجی مبصر مشن کی گاڑی پر فائرنگ کی مذمت کرتے ہوئے کہا کہ بھارت مسلسل سیز فائر لائن کی خلاف ورزی کررہا ہے۔
مشعال ملک نے کہا کہ بھارتی فوج لائن آف کنٹرول پر شہری آبادی کو نشانہ بنا رہی ہے جبکہ اقوام متحدہ کے فوجی مبصر کی گاڑی پر فائرنگ،بھارتی ہٹ دھرمی کا ثبوت ہے۔
یاسین ملک کی اہلیہ مشعال ملک نے مزید کہا کہ بھارتی اندرونی معاملات سے توجہ ہٹانا چاہتا ہے جبکہ بھارت سے کشمیریوں سمیت اقوام متحدہ کے فوجی مبصر بھی محفوظ نہیں، اقوام متحدہ شہری آبادی پر فائرنگ بند کروائے۔
یاد رہے اس سے قبل پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا تھا کہ بھارتی فورسز نے خلاف ورزی کرتے ہوئے لائن آف کنٹرول ( ایل اوسی) کے چری کوٹ سیکٹر میں اشتعال فائرنگ کی۔
اپنے پیغام میں ڈی جی آئی ایس پی آر نے کہا تھا کہ اقوام متحدہ کی گاڑی دور سے پہچانی جاتی ہے، گاڑیوں پر یو این لکھا دور سے دیکھا جاسکتا تھا لیکن بھارتی فورسز نے جان بوجھ کراقوام متحدہ کی گاڑیوں کونشانہ بنایا جبکہ پاک فوج نے اقوام متحدہ فوجی مبصرین کو بھارتی فائرنگ کی زد سے نکال کر راولا کوٹ پہنچایا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News