کورونا وائرس کی ڈیوٹی پر مامور طبی عملے کے لیے خوشخبری

شبین رضا

15th Jan, 2021. 12:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا وائرس کی ڈیوٹی پر مامور طبی عملے کے لیے خوشخبری

صوبہ سندھ نے کورونا وائرس کی ڈیوٹی کرنے والے طبی عملے کے لیے ہیلتھ الاؤنس کا اعلان کیا ہے۔

تفصیلات کے مطابق سندھ میں کورونا وائرس کی ڈیوٹی کرنے والے ڈاکٹرز اور پیرا میڈیکل اسٹاف کے لیے ہیلتھ الاؤنس جاری کرنے کا حکم دے دیا گیا، حکم نامہ محکمہ خزانہ سندھ نے جاری کیا۔

حکم نامے میں کہا گیا ہے کہ ہیلتھ الاؤنس یکم جولائی 2020 سے دیا جائے گا اورجب تک کورونا کی وبا موجود رہے گی الاؤنس جاری رہے گا۔

محکمہ خزانہ کے مطابق گریڈ 17 سے زائد کے لیے 35 ہزار روپے ہر ماہ ادا کیے جائیں گے، گریڈ ایک سے سولہ تک کے لیے 17 ہزار اور پی جی اسٹوڈنٹس کو 15 ہزار روپے ادا کیے جائیں گے۔

محکمہ خزانہ کے حکم نامے کے مطابق ہاؤس جاب افسر کو 10 ہزار روپے جبکہ نرسنگ اسٹوڈنٹس کو 5 ہزار ماہانہ دیے جائیں گے۔