معاون خصوصی برائے سیاسی ابلاغ ڈاکٹر شہباز گِل کا شاہد خاقان عباسی کے بیان پر ردعمل سامنے آگیا ہے۔
ڈاکٹر شہباز گِل نے ن لیگ پر تنقید کرتے ہوئے کہا کہ ن لیگ کے دور میں چینی 130 روپے تک پہنچنے کی وجہ عوام کو بتائیں ، چاپلوسی کے زریعے وزارتِ عظمیٰ پانے والے درباری عوام کو اپنے دور کی تباہیوں کا بھی بتادیں۔
میڈیا سے گفتگو کے دوران انہوں نے کہا کہ ملک لوٹ کر کھانے والے مافیاز کی پشت پناہی کرنے والے میاں مفرور نے کبھی کوئی رپورٹ پبلک نہیں کی اورآج جب ہماری حکومت میں رپورٹس پبلک ہو رہی ہیں تودرباریوں کی دہائیاں مریخ تک پہنچ رہی ہیں۔
ڈاکٹر شہباز گل نے مزید بتایا کہ بلا تفریق احتساب درباریوں کی دُم پر پاؤں رکھنے کے مترادف ہے تبھی ملک کی مثبت معاشی سمت نے نااہلوں کو چیخنے پر مجبورکر دیا ہے۔
انہوں نے گفتگو کے دوران یہ بھی بتایا کہ آج سٹیٹ بینک کے ذخائر 16 ارب ڈالر ہیں جبکہ مسلسل دسویں ماہ ترسیلات زر 2 ارب ڈالر سے زائد ہیں۔
واضح رہے کہ انہوں نے معاشی عشاریے میں مسلسل بہتری کی خوشخبری بھی سنادی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News