چیئرمین پیپلز پارٹی بلاول بھٹو زرداری سے وزیراعلیٰ سندھ مراد علی شاہ اور ترجمان سندھ حکومت مرتضیٰ وہاب کی بلاول ہاؤس میں ملاقات ہوئی۔
ملاقات میں چیئرمین بلاول بھٹو زرداری، وزیراعلیٰ سندھ اور ترجمان سندھ حکومت کے درمیان شہر قائد کے ترقیاتی منصوبوں بالخصوص واٹر اسکیموں کے حوالے سے بات چیت کی گئی۔
اس موقع پر چیئرمین بلاول بھٹو زرداری، وزیراعلیٰ سندھ اور مشیر قانون کے درمیان 2017 کی مردم شماری کے متنازع نتائج کے معاملے پر بھی گفتگو کی گئی۔
ملاقات میں سندھ حکومت نے مخالفت کے باوجود مردم شماری کے متنازع نتائج کی منظوری کے معاملے کو آرٹیکل 154 کے تحت پارلیمان کے مشترکہ اجلاس میں لانے کا فیصلہ کیا۔
چیئرمین بلاول بھٹو زرداری کو بریفنگ دیتے ہوئے بتایا گیا کہ وفاقی حکومت نے غیرقانونی اور غیرمنصفانہ طریقے سے مردم شماری کے متنازع نتائج کو منظور کیا ، وزیراعلیٰ سندھ مشترکہ مفادات کونسل کے وہ واحد رکن تھے کہ جنہوں نے مردم شماری کے متنازع نتائج کی منظوری سے اختلاف کیا۔
چیئرمین بلاول بھٹو زرداری کو بریفنگ دیتے ہوئے مزید کہا گیا کہ وزیراعلیٰ سندھ نے مشترکہ مفادات کونسل میں سندھ اور بلوچستان کی مردم شماری کے اعدادوشمار کم کرنے کا معاملہ رکھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News