پاکستان مسلم لیگ (ن) کے صدر شہبازشریف نے کہا ہے کہ ویکسین کی عدم دستیابی حکومت کی نااہلی کاایک اور ثبوت ہے۔
تفصیلات کے مطابق پاکستان مسلم لیگ (ن) کے صدر شہبازشریف نے ملک میں کورونا ویکسین کی عدم دستیابی پر شدید تشویش کا اظہار کرتےہوئے کہا کہ حکومت عوام کی زندگیوں سے نہ کھیلے کورونا ویکسین کی فی الفور فراہمی کا بندوبست کریں۔
پاکستان مسلم لیگ (ن) کے صدر نے کہا کہ22 کروڑ عوام کی آبادی کو مد نظر رکھتے ہوئے منصوبہ بندی کی جائے، چند لاکھ ڈوز منگوانے اور خیراتی ویکسین سے کام چلانے کی چھوٹی سوچ تبدیل کی جائے۔
شہبازشریف نے یہ بھی کہا کہ کورونا ویکسین کی عدم دستیابی حکومت کی مجرمانہ غفلت اور نااہلی کا ایک اور ثبوت ہے۔
پاکستان مسلم لیگ (ن) کے صدر کا کہنا تھا کہ اپوزیشن نے بار بار خبردار کیا کہ عوام کی زندگیاں موذی وائر سے محفوظ بنانے کے لئے بروقت ویکسین کی بکنگ کرائی جائے۔
شہبازشریف کا یہ بھی کہنا تھا کہ ویکسین کے فراہمی کے معاملے میں وہی کچھ ہورہا ہے جو ایل این جی کی فراہمی کے معاملے میں ہوا تھا، آٹا چینی دوائی کے معاملے میں جس طرح مفادپرستوں نے جیبیں بھریں کورونا ویکسین میں وہی کچھ دوہرایا جارہا ہے۔
پاکستان مسلم لیگ (ن) کے صدر نے کہا کہ عوامی سرمائے کی چوری انتہاء پر ہے اور عوام کو خدمات کی فراہمی صفر ہے۔
شہبازشریف نے یہ بھی کہا کہ حکومت کی چوری، نااہلی اور بدانتظامی کی سزا عوام کو مل رہی ہے جو افسوسناک اور قابل مذمت ہے۔
پاکستان مسلم لیگ (ن) کے صدر شہبازشریف نھے مزید کہا کہ افسوس ہے کہ عوام کی زندگی کے معاملے میں حکومت مجرمانہ غفلت کا سنگین ترین مظاہرہ کررہی ہے،1200 ارب روپے کے کورونا ریلیف پیکج پر کرپشن کے سنگین سوالات نے صورتحال پہلے ہی گھمبیر بنا رکھی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News