پاکستان میں تمام ادارے خود مختار اور آئین کے مطابق کام کر رہے ہیں، فرخ حبیب

انوشہ شیخ

05th Aug, 2021. 03:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں تمام ادارے خود مختار اور آئین کے مطابق کام کر رہے ہیں، فرخ حبیب

وزیر مملکت فرخ حبیب کہتے ہیں کہ پاکستان میں تمام ادارے خود مختار اور آئین کے مطابق کام کر رہے ہیں۔

اپنے جاری کردہ بیان میں انہوں نے کہا کہ شہباز شریف اگر سچے ہیں تو خود کو نیب کے سامنے پیش کرنے سے ڈر کیوں رہے ہیں ، اگر شہباز شریف سچے ہیں تو خود کو احتساب کیلئے پیش کریں۔

ان کا کہنا تھا کہ شریف خاندان نے اداروں پر دباؤ ڈالنے ، منی لانڈرنگ اور کرپشن کی نئی داستانیں رقم کی ہیں۔

وزیر مملکت نے کہا کہ وزیر اعظم عمران خان نے ہمیشہ آئین کی بالادستی اور طاقت ور اور کمزور کیلئے یکساں قانون کی بات کی ہے جبکہ عمران خان جب اقتدار میں نہیں تھے تب بھی خود کو احتساب کیلئے عدالتوں کے سامنے پیش کیا ہے۔

ان کا کہنا تھا کہ عمران خان نے اپنی منی ٹریل عدالت کے سامنے رکھی اور سپریم کورٹ سے صادق اور امین قرار پائے ہیں۔

وزیر مملکت نے کہا کہ ن لیگ صرف اپنی کرپشن چھپانے کیلئے شور مچا رہی ہے ، ن لیگ کے دور میں کرپشن کا بازار گرم تھا۔

انہوں نے کہا کہ جو جتنی کرپشن کرتا تھا اس کو اتنا ہی بڑا عہدہ دیا جاتا تھا جبکہ وزیر اعظم عمران خان نے کرپٹ مافیا سے ٹکر لی ہے تبھی مسلم لیگ ن کے دور میں کیے گئے مہنگے معاہدوں کا خمیازہ عوام آج تک بھگت رہے ہیں۔