باطل کے سامنے کلمہ حق بلند کرنا حسینیت ہے، عبد القیوم نیازی

انوشہ شیخ

19th Aug, 2021. 11:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

باطل کے سامنے کلمہ حق بلند کرنا حسینیت ہے، عبد القیوم نیازی

وزیراعظم آزاد جموں وکشمیر سردارعبد القیوم نیازی کا کہنا ہے کہ باطل کے سامنے کلمہ حق بلند کرنا حسینیت ہے۔

تفصیلات کے مطابق وزیراعظم آزاد جموں وکشمیر سردار عبد القیوم نیازی نے یوم عاشور کے موقع پر خصوصی پیغام دیتے ہوئے کہا ہے کہ کربلا میں امام عالی مقام حضرت امام حسینؓ اوراْن کے رفقاء نے عظیم قربانی پیش کر کے اسلام کو زندہ کیا ہے۔

سردارعبد القیوم نیازی کا کہنا تھا کہ امام عالیٰ مقام کی دین حق کی سربلندی کے لیے دی گئی قربانی قیامت تک زندہ وجاوید رہے گی ، واقعہ کربلا تاریخ اسلام کا ناقابل فراموش واقعہ ہے۔

ان کا کہنا تھا کہ حضرت امام حسین ؓ ؑکی قربانی سب کیلئے مشعل راہ ہے اور اْن قوموں کے لیے مینارہ نور ہے، شہدائے کربلا نے حریت وخلوص کا جو پیغام دیا ہے یہ دنیا بھر کے مظلوم ومحکوم انسانوں کے لیے ذریعہ ہدایت ہے۔

انہوں نے کہا کہ محرم الحرام کے دوران تمام مکاتب فکر اتحاد واتفاق کا مظاہرہ کریں اور بھائی چارے کو فروغ دیں۔

وزیراعظم آزاد جموں وکشمیر سردار عبد القیوم نیازی نے مزید کہا کہ انتظامیہ اور قانون نافذ کرنے والے ادارے آزاد کشمیر بھر میں یوم عاشور کے موقع پر فول پروف سیکیورٹی یقینی بنائیں۔