آج کا دن تمام عالم اسلام کو حق و باطل میں تمیز کرنے کا درس دیتا ہے، عمران اسماعیل

انوشہ شیخ

19th Aug, 2021. 10:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آج کا دن تمام عالم اسلام کو حق و باطل میں تمیز کرنے کا درس دیتا ہے، عمران اسماعیل

گورنر سندھ عمران اسماعیل کا کہنا ہے کہ آج کا دن تمام عالم اسلام کو حق و باطل میں تمیز کرنے کا درس دیتا ہے۔

تفصیلات کے مطابق گورنر سندھ عمران اسماعیل نے یوم عاشورہ کے موقع پر پیغام دیتے ہوئے کہا ہے کہ 10 محرم الحرام کسی ایک جماعت ، فرقے یا کسی ایک سو چ رکھنے والوں کا دن نہیں ہے۔

عمران اسماعیل کا کہنا ہے کہ سیدنا حسین کی قربانی نے اسلامی تاریخ میں اسلام کی سربلندی اور اعلیٰ ترین مقاصد کے حصول کے لیے جان کی بازی لگا دینے کی روایت قائم کی ہے ، سیدنا حسین کی قربانی تاریخ کے ہر دور میں صراط مستقیم پر چلنے والوں کے لیے ایک روشن مثال ہے۔

ان کا کہنا تھا کہ کربلا کے شہیدوں نے اپنے قول و فعل سے حق و صداقت کی راہ میں جانثاری کی عظیم تاریخ رقم کی ہے ، انہوں نے پوری استقامت سے اس حق کے لیے اپنی جان قربان کر دی جو آج بنی نوع انسان کا سب سے بڑا امتیاز ہے۔

انہوں نے کہا کہ جو بھائی، بہنیں، بزرگ، مائیں اور بیٹیاں آج کے دن جلوس میں شریک ہوں وہ کورونا کا خیال ، سماجی فاصلہ رکھیں، ماسک لگائیں، ہاتھوں میں دستانے پہنیں اور سینی ٹائزر سے اپنے ہاتھوں کو صاف رکھیں تاکہ کورونا سے خود اور اپنے گھر والوں کو محفوظ رکھ سکیں۔