ہمیں انتقام کا نشانہ بنایا جا رہا ہے، عطا تارڑ

انوشہ شیخ

24th Aug, 2021. 12:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہمیں انتقام کا نشانہ بنایا جا رہا ہے، عطا تارڑ

مسلم لیگ (ن) کے رہنما عطا تارڑ کا کہنا ہے کہ ہمیں انتقام کا نشانہ بنایا جا رہا ہے۔

تفصیلات کے مطابق میڈیا سے گفتگو کرتے ہوئے انہوں نے بتایا کہ شہباز شریف کو جولائی میں کوئی کال اپ نوٹس موصول نہیں ہوا ، نیب کے پاس نوٹس وصولی کا ریکارڈ ہے تو سامنے لائے۔

عطا تارڑ کا کہنا تھا کہ شہباز شریف کے خلاف 45لاکھ کا کیس چیئرمین نیب کی خصوصی منظوری سے بنوایا گیا ہے ، عمران نیازی کو جس کی گرفتاری پسند ہے نیب ہر حکم بجا لاتی ہے۔

ان کا کہنا تھا کہ بات 7 ارب کے بعد 45لاکھ کے پھول بوٹوں پر آگئی ہے ، میں چیلنج کرتا ہو اس کیس میں کوئی ایک دستاویز دکھا دیں۔

انہوں نے بتایا کہ شہباز شریف نے اپنے دور میں جاری منصوبوں میں اربوں کی بچت کی تھی اور آج شہباز شریف کے ساتھ مذاق کیا جا رہا ہے۔

عطا تارڑ کا کہنا تھا کہ راولپنڈی رنگ روڈ ،مالم جبہ، پشاور بی آر ٹی منصوبوں پر جواب دو ، عمران نیازی ملک کا کرپٹ ترین حکمران ہے۔

ان کا مزید کہنا تھا کہ ہم اس قانونی جنگ کو لڑیں گے ، ہمیں احتجاج کی کال بھی دینی پڑی تو دینگے۔