شاہ محمود قریشی کا سعودی وزیر خارجہ کے ساتھ ٹیلیفونک رابطہ

انوشہ شیخ

23rd Aug, 2021. 02:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہ محمود قریشی کا سعودی وزیر خارجہ کے ساتھ ٹیلیفونک رابطہ

وزیر خارجہ مخدوم شاہ محمود قریشی کا سعودی وزیر خارجہ شہزادہ فیصل بن فرحان آل سعود کے ساتھ ٹیلیفونک رابطہ ہوا ہے۔

تفصیلات کے مطابق رابطے میں دونوں وزرائے خارجہ کے مابین دو طرفہ تعلقات، افغانستان کی موجودہ صورتحال سمیت باہمی دلچسپی کے امور پر تبادلہ خیال کیا گیا ہے۔

وزیر خارجہ شاہ محمود قریشی نے پاکستانی قیادت کی جانب سے سعودی عرب کے فرمانروا ، خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان کیلئے نیک خواہشات کا اظہار بھی کیا ہے۔

اسکے علاوہ وزیر خارجہ نے او آئی سی کی جانب سے افغانستان کی موجودہ صورتحال پر مستقل مندوبین کا ہنگامی اجلاس بلانے پر سعودی وزیر خارجہ کا شکریہ ادا کیا ہے۔

وزیر خارجہ نے سعودی ہم منصب کو کابل سے مختلف ممالک کے سفارتی عملے، بین الاقوامی اداروں کے ورکرز اور میڈیا نمائندگان کے انخلاء میں پاکستان کی جانب سے فراہم کی جانے والی معاونت سے بھی آگاہ کیا ہے۔

شاہ محمود قریشی کا کہنا تھا کہ ہمیں توقع ہے کہ افغان قائدین افغانستان میں دیرپا قیام امن کیلئے اجتماعیت پر مبنی سیاسی تصفیے کی جانب آگے بڑھیں گے۔

واضح رہے کہ دونوں وزرائے خارجہ کی جانب سے باہمی دلچسپی کے امور پر مشاورت کا سلسلہ جاری رکھنے کا فیصلہ کیا گیا ہے۔