31 سالہ امریکی ٹک ٹاکر خاتون نے دنیا میں سب سے بڑا منہ ہونے کے باعث گنیز بک آف ورلڈ ریکارڈ جیت لیا ہے۔
سوشل میڈیا رپورٹس کے مطابق امریکی خاتون دنیا میں سب سے بڑا منہ ہونے کے باعث ناصرف ٹک ٹاک اسٹار بن گئی ہیں بلکہ لاکھوں روپے ماہانہ کما کر کروڑ پتی بھی بن چکی ہیں۔
رپورٹس کے مطابق گنیز بک آف ورلڈ ریکارڈ نے انہیں دنیا میں سب سے بڑا منہ ہونے کے باعث ورلڈ ریکارڈ کا سرٹیفکیٹ بھی دے دیا ہے۔
ان کے منہ کا گیپ 6.52 سینٹی میٹر یعنی 2.56 انچ ہے۔
ان کے 17 لاکھ سے زائد فالوورز ان کی ویڈیو کے منتظر رہتے ہیں اور ہر ویڈیو پر انہیں 10 سے 15 ہزار ڈالر کی آمدنی ہوتی ہے جو کسی بھی طرح لاکھوں روپے سے کم نہیں۔
ایک ٹک ٹاک ویڈیو میں وہ سالم سیب کو توڑے بغیر اپنے منہ میں رکھتے نظر آتی ہیں جبکہ ایک اور ویڈیو میں وہ بڑا ڈونٹ کھاتی دکھائی دیتی ہیں۔
سمانتھا رامسڈیل نامی ان خاتون کا کہنا ہے کہ انہوں نے جنوبی نورواک میں دانتوں کے ڈاکٹر سے منہ کی پیمائش کروائی ہے جس سے تصدیق ہوئی کہ دنیا بھرکی خواتین میں ان کا جبڑا بڑا ہے ۔
ان کا کہنا تھا کہ وہ خود کو اپنے گانوں اور مزاحیہ ویڈیوز کی وجہ سےمتعارف کرانا چاہتی تھیں، لیکن یہ کبھی نہیں سوچا تھا کہ انہیں بڑے منہ کی وجہ سے اتنی شہرت بھی ملے گی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News