‎ 3 سال میں عوام کے ساتھ ملک پر بھی مالیاتی بوجھ بڑھتا جارہا ہے، شہباز شریف

انوشہ شیخ

21st Aug, 2021. 02:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‎ 3 سال میں عوام کے ساتھ ملک پر بھی مالیاتی بوجھ بڑھتا جارہا ہے، شہباز شریف

پاکستان مسلم لیگ (ن) کے صدر اور قائد حزب اختلاف شہبازشریف کا کہنا ہے کہ 3 سال میں عوام کے ساتھ ملک پر بھی مالیاتی بوجھ بڑھتا جارہا ہے۔

تفصیلات کے مطابق قائد حزب اختلاف شہباز شریف نے گردشی قرض میں ہوشربا اضافے پر شدید تشویش کا اظہار کرتے ہوئے کہا ہے کہ ‎بجلی کی قیمت بڑھ گئی ، سبسڈیز میں کٹوتی ہوگئی، پھر بھی گردشی قرض بڑھ گیا ہے، چوری اور نااہلی اور کیا ہوتی ہے۔

ان کا کہنا تھا کہ عوام کو بجلی کی قیمت بھی زیادہ ادا کرنا پڑی اور گردشی قرض بھی تاریخ کی بلند ترین سطح پر ہے۔

شہبا زشریف نے کہا کہ وزارت توانائی کی رپورٹ پی ٹی آئی حکومت کے 3 سال کی کارکردگی کے خلاف چارج شیٹ اور چشم کشا ہے۔

انہوں نے بتایا کہ عوام پر 500 ارب روپے سے زیادہ کا اضافی بوجھ ڈالنے کے باوجود گردشی قرض مزید بڑھ گیا ہے، جب گیس کی جگہ ڈیزل اور فرنس آئل سے مہنگی بجلی بنے گی تو پھر گردشی قرض تو بڑھے گا۔

شہباز شریف نے یہ بھی بتایا کہ پی ٹی آئی حکومت نے آزاد جموں وکشمیر کو 27 ارب سبسڈی بھی نہیں دی ہے۔

واضح رہے کہ انہوں نے یہ بھی کہا کہ پی ٹی آئی نے 3 سال میں صرف ایک کام کیا ہے کہ بجلی کے شعبے کا سارا ملبہ اور بوجھ عوام کے سر ڈال دیا ہے۔