سینئر وزیر عبدالعلیم خان کہتے ہیں کہ وزیر اعظم عمران خان کی کاوشوں کے باعث ٹیکس کی 122فیصد وصولی ممکن ہوئی ہے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں انہوں نے لکھا ہے کہ ملک میں معیشت کو استحکام اور کاروباری سرگرمیوں کو دن بدن فروغ مل رہا ہے جبکہ بزنس کمیونٹی کی طرف سے قومی پالیسیوں پر بھرپور اعتماد کا اظہار خوش آئند امر ہے۔

Advertisement

-Pak tops list of most affordable countries to live in.
-Gallup’s survey proves that 63% of business owners say that country is moving in right direction.
-FBR records 122% target achievement in tax collection for July-21
This is Naya Pak. PMIK fulfilling his promises to nation.

— Abdul Aleem Khan (@aleemkhan_pti) August 2, 2021

انہوں نے مزید لکھا کہ گیلپ سروے میں 63 فیصد بزنس اونرز نے ملک کو درست سمت میں قرار دیا ہے ، وزیر اعظم عمران خان قوم سے کیے گئے نئے پاکستان کا وعدہ پورا کر رہے ہیں۔

عبدالعلیم خان نے لکھا کہ عمران خان کی شخصیت کے باعث کاروباری طبقے کا حکومت پر اعتماد بڑھا ہے جبکہ موجودہ حکومت نے تمام تر مشکلات کے باوجود واضح  اہداف حاصل کیے ہیں۔

انہوں نے اپنے ٹوئٹ پیغام میں یہ بھی لکھا کہ ملکی درآمدات میں کمی اور برآمدات میں اضافے سے معیشت مستحکم ہوئی ہے۔