تین سالوں کے دوران پنجاب میں ایک بھی نیا ہسپتال نہیں بن سکا ہے، عظمیٰ بخاری

انوشہ شیخ

22nd Aug, 2021. 03:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تین سالوں کے دوران پنجاب میں ایک بھی نیا ہسپتال نہیں بن سکا ہے، عظمیٰ بخاری

مسلم لیگ(ن) پنجاب کی ترجمان عظمیٰ بخاری کا کہنا ہے کہ تین سالوں کے دوران پنجاب میں ایک بھی نیا ہسپتال نہیں بن سکا ہے۔

تفصیلات کے مطابق مسلم لیگ(ن) پنجاب کی ترجمان عظمیٰ بخاری نے محکمہ صحت پنجاب کی کارکردگی کی رپورٹ پر ردعمل دیتے ہوئے ہے کہ نااہل اور نالائق حکومت جتنی رپورٹس جاری کرے انکی رپورٹ کارڈ ہرعام آدمی بھگت رہا ہے۔

عظمیٰ بخاری کا کہنا تھا کہ پنجاب کے سرکاری ہسپتالوں میں لوگوں کو مفت ادویات نہیں مل رہی یہ کارکردگی ہے ، پی کے ایل آئی جیسے شاہکار منصوبے کو سیاست کی بھینٹ چڑھانا یہ کارکردگی ہے۔

ان کا کہنا تھا کہ پنجاب میں کورونا تشخیص ٹیسٹ فنڈز نہ ہونے کی وجہ سے بند ہیں ، ہر بجٹ میں 9 ہسپتال بنانے کا وعدہ دوہرا دیا جاتا ہے۔

انہوں نے مزید بتایا کہ پنجاب میں کتے کے کاٹنے اور کینسر کے مریضوں کو ادویات ملنی بند ہوگئی ہیں ، پنجاب حکومت جعلی اعداد شمار جاری کرنے کی بجائے اصل حقائق سے قوم کو آگاہ کرے۔

عظمیٰ بخاری کا کہنا تھا کہ جعلی کارکردگی کی رپورٹیں جاری کرنے سے بزدار حکومت کی کارکردگی کو چار چاند نہیں لگ سکتے ، قوم کھرے اور کھوٹے سکوں میں فرق جان چکی ہے۔