وزیرداخلہ شیخ رشید کہتے ہیں کہ ہمیں متحد ہوکردشمن کا مقابلہ کرنا ہے۔

  پریس کانفرنس کرتے  ہوئے شیخ رشید احمد کہتے ہیں کہ شہبازشریف کو گرفتارکرنے سے کوئی قیامت نہیں آئے گی ، نوازشریف کے پاس  2آپشن ہیں ، نوازشریف اپیل دائرکریں یا سیاسی پناہ لے لیں جبکہ مجھے امید ہے کہ نوازشریف سیاسی پناہ نہیں لیں گے۔

 ان کا کہنا تھا کہ سی پیک میں کسی رکاوٹ کو قبول نہیں کیا جائے گا کیونکہ سی پیک کیلئے پوری قوم یک زبان ہے جبکہ  چینی سفیر سے ملاقات مفید رہی ہے ، ملک میں انتشار پھیلانے والے منہ کے بل گریں گے۔

 شیخ رشید کا کہنا تھا کہ اپوزیشن کوسمجھ نہیں آرہی خطے کےکیا حالات ہونے جارہے ہیں ، 13 اگست کوآتش بازی کا پروگرام اورجلسہ منسوخ کررہا ہوں۔

انہوں نے بتایا کہ بھارت،اسرائیل اوراین ڈی ایس پاکستان کے خلاف سازش کررہے ہیں ، دہشت گردی کے پیچھے بھی بھارت ، اسرائلی اور افغانستان کی ایجنسیاں ہیں۔

انہوں نے کشمیر کے حوالے سے بات کرتے ہوئے کہا کہ ساری قوم کشمیر کے ساتھ کھڑی ہے اکے علاوہ افغان اور چین کے معاملات دفتر خارجہ بتائیں گے۔

شیخ رشید کا مزید کہنا تھا کہ محرم الحرام شروع ہو رہا ہے سارے صوبے اپنی ضروریات سے آگاہ کریں جبکہ میں چاروں صوبوں کا ہنگامی دورہ بھی کر سکتا ہوں۔

انہوں نے بتایا کہ آئی جی اسلام آباد سے امن وامان کا کہہ دیا ہے جبکہ 190 نئےکیمرے بھی اسلام آباد کے لئے لگا رہے ہیں اور نفری بھی بڑھا رہے ہیں۔