مسلم لیگ (ن) کی رہنما مریم اورنگزیب  نے طارق فضل چوہدری کے ہمراہ نیوز کانفرنس  کی ہے جس میں انہوں نے کہا کہ  کشمیر انتخابات میں بھی دھاندلی کی گئی ہے۔

ان کا کہنا تھا کہ 25 جولائی کے بعد ایک راگ الاپا جارہا ہے، آئین شکن ہر روز الیکشن چوری کا منصوبہ بناتے ہیں جبکہ سیالکوٹ کے انتخابات کے بعد س سے م نکالنے کا شور بھی مچایا جارہا ہے۔

مریم اورنگزیب کا کہنا تھا کہ مسلم لیگ (ن) میں آئین، قانون اور ووٹ کو عزت دو کا ایک بیانیہ ہے ، جو لوگ مسلم لیگ ن سے وابستہ ہے انکا بیانیہ آئین و قانون کی بالا دستی کا ہے۔

ان کا کہنا تھا کہ یہ وہ لوگ ہیں جو روز آئین شکنی کرتے ہیں ، یہ جھوٹے لٹیرے مافیاز ملک پر 3 سال سے مسلط ہیں۔

انہوں نے کہا کہ ایل این جی ملکی تاریخ میں سب سے مہنگی خریدی گئی ہے جبکہ 16 ہزار ارب روپے کا قرضہ لیا گیا ہے ، 35 ارب جرمانہ براڈ شیٹ کیس میں لگا کوئی جواب دینے والا نہیں ہے۔

(ن) لیگی رہنما کا مزید کہنا تھا کہ براڈ شیٹ کو 35 ارب دینا پڑ رہے ہیں ، جو خرچ کیا گیا وہ الگ ہے اسی وجہ سے تماشہ لگایا گیا ہے۔

ان کا کہنا تھا کہ دونوں ہاتھوں سے ملک کو لوٹا جارہا ہے، آج عمران شہباز شریف سے معافی مانگ رہے ہیں جبکہ ڈیلی میل کے حوالے سے بھی لندن کی ہائیکورٹ میں عمران معافی مانگ رہا ہے ۔

ان کا کہنا تھا کہ  ہر روز چینی و آٹا پر ڈاکہ ڈالا جارہا ہے ، آپ نے دو کروڑ لوگوں کو غریب کردیا ہے 50 لاکھ بے روزگار کردیے ہیں یہ کیا جہاد ہے۔

مریم اورنگزیب کا مزید کہنا تھا کہ 29 جولائی والے ہفتہ میں 12 عشائیہ 20 فیصد مہنگائی ہوئی ہے ، پاکستان کے عوام اس مہنگائی کا جواب پوچھنا چاہتی ہے۔

واضح رہے کہ مریم اورنگزیب نے پریس کانفرنس میں بیورو آف اسٹیٹسکس کی جولائی کی رپورٹ بھی پیش ہے۔