پاکستان کے سابق وزیراعظم یوسف رضا گیلانی کا کہنا ہے کہ افغانستان پر اس وقت پوری دنیا کی نظریں ہیں۔

تفصیلات کے مطابق میڈیا سے بات چیت کرتے ہوئے ان کا کہنا تھا کہ افغانستان ہمارا ہمسایہ ملک ہے، ہم چاہتے ہیں افغانستان میں امن ہو۔

ان کا کہنا تھا کہ افغانستان میں امن لانے کے لیے کردار ادا کر رہے ہیں، افغانستان میں خوشحالی ہو گی تو پاکستان میں خوشحالی ہو گی۔

یوسف رضا گیلانی نے کہا کہ چین کے ساتھ ہمارے بہت اچھے تعلقات ہیں ، چینی سیکورٹی کے لیے فول پروف انتظام کرنا چاہیے۔

ان کا کہنا تھا کہ ہم نے اپنی حکومت میں زراعت پر زیادہ توجہ دی تھی جبکہ  ہم اپنی حکومت میں کاٹن، شوگر، چاول سمیت دیگر اجناس ایکسپورٹ کر رہے تھے۔

انہوں نے مزید کہا کہ  پاکستان پیپلزپارٹی جب بھی اتی ہے کسان خوشحال ہوتا ہے۔

یوسف رضا گیلانی نے بجٹ کے حوالے سے بات کرتے ہوئے کہا کہ اس وقت جو بجٹ ایا عوام دوست نہیں ہے، آئیے دن منی بجٹ آ رہے ہیں۔

ان کا مزید کہنا تھا کہ اس ملک میں مہنگائی آسمان تک پہنچ گئی ہے، تین سالہ کارکردگی کی تشریح سے بہتر ہے عوام کی رائے لے لی جائے۔

انہوں نے کہا کہ الیکٹرانک ووٹنگ مشین پر ہمارے تحفظات ہیں، الیکٹرانک ووٹنگ مشین پر فیصلہ متعفقہ ہوگا۔

یوسف رضا گیلانی کا یہ بھی کہنا تھا کہ   حکومت اپنے طور پر الیکٹرانک ووٹنگ مشین کو استعمال نہیں کر سکتی ہے۔