وزیراعظم کی کوششوں سے سعودی عرب سے قیدی رہا ہو رہے ہیں، محمد طاہر محمود اشرفی

انوشہ شیخ

03rd Aug, 2021. 01:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کی کوششوں سے سعودی عرب سے قیدی رہا ہو رہے ہیں، محمد طاہر محمود اشرفی

وزیراعظم کے نمائندہ خصوصی حافظ محمد طاہر محمود اشرفی کا کہنا ہے کہ وزیراعظم عمران خان کی کوششوں سے سعودی عرب اور دیگر عرب اسلامی ممالک سے قیدی رہا ہو رہے ہیں۔

اپنے جاری کردہ بیان میں ان کا کہنا تھا کہ سعودی عرب کی جیلوں سے سزا یافتہ قیدیوں کی معافی پر شاہ سلمان اور ولی عہد محمد بن سلمان کے شکر گزار ہیں، جبکہ موجودہ حکومت بیرون ممالک میں موجود پاکستانیوں کیلئے ہر سطح پر سہولتیں پیدا کرنا چاہتی ہے۔

ان کا کہنا تھا کہ پاکستان تمام بلاد اسلامیہ و بلاد عرب کے ساتھ اچھے تعلقات چاہتا ہے، عرب پارلیمنٹ کے ساتھ تمام شعبوں میں تعلقات میں استحکام آئے گا۔

ان کا کہنا تھا کہ بین المسالک حسن تعلق قائم ہوجائے تو ملک کے خلاف تمام سازشیں دم توڑ جائیں گی۔

انہوں نے خطاب میں مزید کہا کہ شیعہ سنی کے نام پر 15 لاشیں گری تھیں جبکہ ہمارے اکابرین نے قتل و غارت کے خلاف قوم کو جمع کیا ہے۔

حافظ طاہر اشرفی کا کہنا تھا کہ امام حسین تو سب کے ہیں، خوف ہوتا ہے ان ایام میں دشمن اپنے کھیل سے آگ نہ لگا دے۔

انہوں نے مزید کہا کہ قانون توڑنے والے کو چھوڑیں گے نہیں قانون شکنی نہ کرنے والوں کو چھیڑیں گے نہیں۔