بطور اپوزیشن پارٹی عوامی مسائل کو اجاگر کرنا ہماری ذمے داری ہے،عطاء تارڑ

انوشہ شیخ

04th Sep, 2021. 09:26 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بطور اپوزیشن پارٹی عوامی مسائل کو اجاگر کرنا ہماری ذمے داری ہے،عطاء تارڑ

مسلم لیگ (ن) کے ڈپٹی سیکرٹری جنرل عطاء تارڑ کا کہنا ہے کہ بطور اپوزیشن پارٹی عوامی مسائل کو اجاگر کرنا ہماری ذمے داری ہے۔

تفصیلات کے مطابق مسلم لیگ (ن) کے ڈپٹی سیکرٹری جنرل عطاء تارڑ نے میڈیا سے گفتگو کرتے ہوئے کہا کہ عمران نیازی اور انکے حواری جہاں زمین کا بڑا ٹکڑا دیکھتے ہیں اس پر قبضہ کرنے کی کوشش کرتے ہیں۔

عطاء تارڑ کا کہنا تھا کہ والٹن ائیر پورٹ کی زمین پر بھی قبضہ کرنے کی کوشش کی گئی ہے۔

ان کا مزید کہنا تھا کہ مسلم لیگ (ن) والٹن ائیر پورٹ کی 400 ارب روپے کی زمین بازیابی کیلئے قانونی کارروائی کرے گی۔

انہوں نے کہا کہ شہباز شریف اورحمزہ شہباز عدالت میں پیش ہوئے ہیں، یہ وہ کیس ہے جس میں شہباز شریف اور حمزہ شہباز جیل کاٹ آئے ہیں۔

ان کا کہنا تھا کہ نیب بھی یہی کیس کرچکا ہے لیکن ایک دھیلے کی کرپشن ثابت نہیں ہوئی ہے۔

عطاء تارڑ نے کہا کہ ایک ہی الزام کے تحت دوسری انکوائری افسوسناک اور شرم ناک ہے۔

انہوں نے یہ بھی بتایا کہ ایف آئی اے کے ادارے کو سیاسی مخالفین کے لیے استعمال کیا جا رہا ہے۔