پاکستان مسلم لیگ (ن) کے صدر قائد حزب اختلاف شہباز شریف نے مقبوضہ جموں و کشمیر میں کشمیریوں کے قتل عام پر شدید مذمت کی ہے۔
تفصیلات کے مطابق قائد حزب اختلاف شہباز شریف نے اپنے ایک بیان میں کہا کہ پلواما اور سری نگر میں بے گناہ کشمیری نوجوانوں کی شہادت پر بے حد صدمہ ہے، اہل خانہ سے تعزیت اور ہمدردی کرتے ہیں ۔
ان کا کہنا تھاکہ قابض بھارتی افواج مقبوضہ وادی میں ریاستی دہشت گردی اور انسانیت کے خلاف جرائم کا ارتکاب کررہی ہیں ،عالمی برادری بالخصوص اقوام متحدہ، سلامتی کونسل اور انسانی حقوق کے ادارے نوٹس لیں، بھارت کو قتل عام سے روکیں۔
شہباز شریف کا کہنا تھا کہ 5 اگست 2019 کے غیرقانونی اور یک طرفہ بھارتی اقدامات کے بعد سے مقبوضہ وادی میں کشمیری نوجوانوں کی شہادتوں میں اضافہ ہوا ہے ۔
قائد حزب اختلاف کا کہنا تھا کہ بھارت کشمیریوں کی نسل کشی کے مذموم ایجنڈے پر کاربند ہے، بھارت کو انسانیت کے خلاف جرائم پر عالمی انصاف کے کٹہرے میں کھڑا کیاجائے ۔
ان کا کہنا تھا کہ پاکستان کی حکومت مقبوضہ جموں وکشمیر میں کشمیریوں کی ماورائے عدالتوں شہادتوں کو عالمی اداروں میں اٹھائے۔
پاکستان مسلم لیگ (ن) کے صدر قائد حزب اختلاف شہباز شریف کا مزید کہنا تھا کہ بھارت اپنی ریاستی دہشت گردی، ظلم وجبر سے کشمیریوں کے آزادی اور استصواب رائے کی جدوجہد کو دبا نہیں سکتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News