سوئٹزرلینڈ کی کمپٹنی آرمیڈز نے مسلمانوں کے مذہبی اعمال کی نشان دہی کرنے والی ایک منفرد گھڑی تیار کی ہے جسے ’مکہ مجموعہ‘ کا نام دیا گیا ہے۔
العربیہ کے مطابق سوئٹزرلینڈ کی گھڑی ساز کمپنی کے شریک بانی اسٹوبی پاسکل کا کہنا ہے کہ آرمیڈز کی ٹیم نے ایک ہائی ٹیک الیکٹرانک جزو ڈیزائن اورتیارکیا جو میکانیکی حرکت کے ساتھ گھڑی کے کیس سے مربوط ہے، متعلقہ سافٹ ویئر موبائل ریڈیو سہ رخی کے ذریعے پہننے والے کے مقام کا حساب لگاتا ہے اور گھڑی ذیلی ڈائلز پر معلومات دکھاتی ہے۔
ہر مسلمان کے لیے ضروری ہے کہ اسے نماز، صحروافطار کے اوقات کا علم ہو اور اس کام کے لیے ایک گھڑی تیار کی گئی ہے جسے ’مکہ مجموعہ‘ کا نام دیا گیا ہے جس میں ایسے افعال شامل کیے گئے ہیں جو مکہ (قبلہ) کی سمت، نماز(صلوٰۃ) کے اوقات اور رمضان المبارک (صوم) کے روزے کے اوقات کا بتاتا ہے۔
آرمیڈز کے شریک بانی ٹام مورف نے بتایا کہ ایسی گھڑی تیار کرنے خیال اسٹوبی پاسکل کے ساتھ بحث کے دوران آیا کیوں کہ وہ ہر وقت گھڑیوں کے منفرد ڈیزائن کے بارے میں بات کرتے رہتے تھے۔
ٹام مورف کا کہنا تھا کہ ہماری گفتگو ریاضی، فلکیات اور بہت سے دوسرے موضوعات پر تاریخ میں اسلامی دنیا کی عظیم کامیابیوں پر مرکوز رہتی تھی اور اس دوران ہم نے دن میں پانچ بار نماز کی روزانہ کی مشق اوررمضان المبارک کے مقدس مہینے میں سال میں ایک بار روزے رکھنے کے بارے میں بات کی اور یہیں سے ہمیں اس گھڑی کو بنانے کا خیال آیا۔
انہوں نے کہا کہ ہم جو چاہتے تھے وہ فنگشن پہلے سے کسی گھڑی میں موجود نہیں تھا اور ہمیں ان تینوں عناصر کو ملانے کے لیے تکنیکی طور پربڑے چیلنجوں کا سامنا کرنا پڑا ، چونکہ مذہب ایک ایسا موضوع ہے جو کافی حساس ہوسکتا ہے لیکن ہم نے اس کے ساتھ انتہائی احترام معاملہ کیا ہے اور اس ضمن میں اپنے مسلم روابط کو بروئے کار لائے۔
آرمیڈز کی مکہ کولیکشن چارماڈلز پر مشتمل ہے، یہ سب سٹین لیس اسٹیل کے کیس والی ہیں، لیکن درخواست پر پلاٹینم میں بھی دستیاب ہے جب کہ گھڑی کی قیمتیں 6,000 ڈالر سے 163,000 ڈالر تک ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News