ٹیکنالوجی کی میدان میں ہونے والی تیز رفتار ترقی نے ویئر ایبل ڈیوائسز کی بھی ایک وسیع رینج متعارف کروادی ہے جن کی مدد سے آپ اپنے اعضائے رئیسہ کے افعال کو صرف ایک کلک میں چیک کرسکتے ہیں، لیکن اب گوگل نے اسمارٹ فون کو بھی فٹنس ٹریکر میں تبدیل کردیا ہے۔
گزشتہ ماہ گوگل نے اعلان کیا تھا کہ وہ فٹنیس ڈیوائسز کے لیے بنائے گئی ایپلی کیشن ’گوگل فٹ‘ کا کام کرنے کے دائرہ کار کو اسمارٹ فون تک وسیع کرنے کے منصوبے پر کام کر رہا ہے۔ جس کی بدولت اینڈروئیڈ اور آئی او ایس کے استعمال کنندگان اسمارٹ فون کے کیمرے اور فلیشں کی مدد سے اپنے ہارٹ ریٹ’ دل کے دھڑکنے کی رفتار‘ کو مانیٹر کرسکیں گے۔
ایسے اسمارٹ فونز جن میں ہارٹ ریٹ مانیٹرنگ کے لیے مخصوص سینسرز نہیں ہوتے ان کے استعمال کنندگان پچھلے کیمرے پر اپنی انگلی رکھ کر اسے ٹریک کرسکتے ہیں۔
یہ ایپلی کیشن انگلی کی رنگت میں ہونے والی تبدیلی کو شناخت کرکے ریڈنگز فراہم کرتی ہے۔ اس ریڈنگ کو گوگل فٹ ایپ میں بھی محفوظ کیا جاسکتا ہے۔
گوگل کے آفیشل بلاگ کے مطابق اس ٹریکنگ کو تشخٰیص، علاج، تحفظ یا کسی بیماری کے علاج میں استعمال نہیں کیا جاسکتا
ائی فون یا اینڈروئیڈ سے ہارٹ ریٹ مانیٹرنگ کا طریقہ کار
1۔ اپنے آئی فون یا اینڈروئیڈ پر گوگل فٹ ایپ کھولیں۔
2۔ اگر آپ کی ڈیوائس میں یہ فیچر شامل ہو چکا ہے تو پھر آپ کو ’ چیک یور ہارٹ ریٹ‘ کے نام سے ہوم پیج پر ایک آپشن دکھائی دے گا۔ اس آپشن پر ٹیپ کریں
3۔ اب اسمارٹ فون کے بیک کمیرہ لینس پر انگلی رکھیں۔ اس کام کے لیے ایسی جگہ منتخب کریں جہاں روشنی زیادہ ہو یا آپ ایپ اسکرین کے سیدھے کونے پر موجود بٹن دبا کر فلیش لائٹ بھی آن کرسکتے ہیں۔
4۔ جب ایپ ریڈنگ لینا شروع کرے گی تو پھر آپ کو اسکرین پر ’ انگلی کی نوک پر آپ کی نبض کو شناخت کیا جا رہا ہے۔ اپنے ہاتھ کو ہلکے سے دباؤ کے ساتھ ساکت رکھیں‘کا پیغام دکھائی دے گا۔
5۔ یہ ایپ ہارٹ ریٹ کی پیمائش کے لیے تقریباً 30 سیکنڈ لیتی ہے، ایک بار یہ عمل مکمل ہونے کے بعد آپ اسکرین پر کھلنے والی نئی ونڈو میں اپنا ہارٹ ریٹ دیکھ سکتے ہیں۔
6۔ اگر آپ ہارٹ ریٹ کی ریڈنگز کو اپنے پاس محفوظ رکھنا چاہتے ہیں تو اسکرین پر نظر اانے والے ‘Save measurement’ بٹن پر ٹیپ کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News