امیر جماعت اسلامی کراچی حافظ نعیم الرحمن نے کہا ہے کہ کراچی پر قبضہ کرنے کی سازش کے خلاف تحریک جاری رہے گی۔
جماعت اسلامی کراچی نے بلدیاتی اداروں کے اختیارات سلب کرنے اور شہری اداروں پر قبضے کے لیے سندھ حکومت کے منظور کردہ بلدیاتی ترمیمی بل کے خلاف دستخطی مہم کا آغاز کر دیا ہے۔
امیر جماعت اسلامی کراچی حافظ نعیم الرحمن نے خطاب کرتے ہوئے کہا کہ جماعت اسلامی کے تحت بہت بڑا مارچ ہوگا، دستخطی مہم کا آغاز ہو گیا ہے، گھر گھر جا کر شہریوں سے رابطہ کریں گے، کراچی پر قبضہ کرنے کی سازش کے خلاف تحریک جاری رہے گی۔
ان کا کہنا تھا کہ اس احتجاجی تحریک میں خواتین بھی شرکت کریں گی، دیہی علاقوں کا استحصال کیا جا رہا ہے، ناظم جوکھیو کے قتل کا معاملہ سب کے سامنے ہے، یہ مک مکا کر لیتے ہیں، ان مافیا کے خلاف کوئی بولنے کو تیار نہیں ہے۔
امیر جماعت اسلامی کراچی حافظ نعیم الرحمن نے مزید کہا کہ وڈیرے شہروں پر بھی قبضہ کرنا چاہتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News