گلیات کی جانب سفر کرنے سے گریز کیا جائے، بیرسٹر سیف

ویب ڈیسک

22nd Jan, 2022. 04:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلیات کی جانب سفر کرنے سے گریز کیا جائے، بیرسٹر سیف

خیبر پختونخوا حکومت کے ترجمان بیرسٹر محمد علی سیف نے کہا ہے کہ گلیات کی جانب سفر کرنے سے گریز کیا جائے۔

معاون خصوصی اطلاعات خیبر پختونخوا بیرسٹر سیف نے اپنے جاری کردہ ایک بیان میں کہا کہ گلیات سمیت صوبے کے مختلف علاقوں میں بارش و برفباری کا سلسلہ جاری ہے، گلیات میں اب تک ایک فٹ سے زائد برف پڑ چکی اور اب بھی سلسلہ جاری ہے۔

ان کا کہنا تھا کہ گلیات کی جانب سفر کرنے سے گریز کیا جائے، گلیات کے سفر کی صورت میں انتظامیہ کی جانب سے جاری ہدایات کو مدِ نظر رکھا جائے۔

خیبر پختونخوا حکومت کے ترجمان بیرسٹر محمد علی سیف نے مزید کہا کہ پی ڈی ایم اے، گلیات و کاغان ڈویلپمنٹ اتھارٹیز، ریسکیو 1122 اور پولیس الرٹ ہے۔

یاد رہے کہ محکمہ موسمیات کے مطابق آج خیبر پختو نخوا میں بارشوں کا سلسلہ وقفے وقفے سے جاری رہے گا جبکہ بارش کے ساتھ ساتھ صوبے کے بیشتر شہروں میں برف باری کا بھی امکان ہے۔