ہانگ کانگ کی سرزمین سے عین پاکستانی ضروریات کے تحت غیرمعمولی ایجاد سامنے آئی ہے۔ اس کا نام “میکس کولر” ہے جو ایک وائرلیس فین ہے لیکن ساتھ میں مچھر مار مشین، لیمپ اور پاوربینک بھی موجود ہے۔

سب سے پہلی بات یہ ہے کہ اسے باآسانی ایک سےدوسرے مقام لے کر گھوما جاسکتا ہے۔ دوم یہ مکمل طور پر واٹرپروف اور وائرلیس ہے۔ سوم یہ آؤٹ ڈور روشنی کے طور پر استعمال ہوسکتا ہے اور چہارم اپنی طاقتور بیٹری کی بدولت پاوربینک کے طور پر بھی استعمال کیا جاسکتا ہے۔

پوری ایجاد کوآئی پی ایکس فور کے معیار کے تحت واٹرپروف بنایا گیا ہے۔ اسے بطورِ خاص ان افراد کے لیے بنایا گیا ہے جوباہر وقت گزارنا پسند کرتے ہیں یا پھر کیمپنگ وغیرہ کا جنون رکھتے ہیں۔ اس کا پنکھا انتہائی تیزی سے گھومتے ہوئے تیز تر ہوا پھینکتا ہے۔

اس کے خاص ڈیزائن کی بدولت ہلکا پھلکا میکس فین آسانی سے ہاتھ میں تھاما جاسکتا ہے۔ پھر چارج ہونے کی بنا پر اس کے ساتھ تار کی جھنجھٹ بھی ختم کردی گئی ہے۔ اپنی طاقتور موٹر کی بنا پر یہ بہت خاموشی سے خوشگوار ٹھنڈی ہوا خارج کرتا ہے۔

میکس فین کے عین درمیان میں ایک طاقتور پنکھا نصب ہے جو پانچ میٹر فی سیکنڈ کی رفتار سے تیز ہوا پھینکتا ہے اور یوں گھر کے باہر کی پارٹیوں کو خوشگوار بناتا ہے۔ تیز ہوا کے لیے اس میں چھ پنکھڑیاں لگائی گئی ہیں جنہیں خاص طور پر ڈیزائن کیا گیا ہے۔

اس میں ازخود بند ہونے والا ٹائمر بھی جسے بٹن دبا کر آپ اس کے بند ہونے کا وقت سیٹ کرسکتے ہیں۔ اس میں نصب طاقتور بلب 150 سے 350 لیومن تک روشنی پھینک سکتا ہے جو ایک چھوٹے کمرے کو روشن کرنے کے لیے کافی ہے۔ اس کے نیچے مچھرمار میٹ لگا کر آپ مچھروں کو آسانی سے بھگاسکتےہیں۔

اس میں روشنی 8 گھنٹے تک، مچھر بھگآؤ سسٹم 18 گھنٹے تک اور پنکھا چار گھنٹے تک چل سکتا ہے۔ پاوربینک کی بدولت آئی فون 13 کو صفر سے فل تک تین مرتبہ چارج کیا جاسکتا ہے۔

فون چند گھنٹوں میں یو ایس بی سے چارج ہوتا ہے اور اس کی قیمت 469 ہانگ کانگ ڈالر یا پاکستانی 10 ہزار روپے ہے۔