رات میں سرہانے پانی کا گلاس رکھنا ایک صحت مندانہ عمل ہے تاکہ نیند کے دوران پیاس لگنے کی صورت میں پانی پیا جاسکے۔ لیکن سونے سے قبل زیادہ پانی پینا اچھا خیال نہیں ہے کیونکہ اس طرح یہ آپ کی نیند کے معیار کو متاثر کرتا ہے، تو سونے سے کتنے وقت پہلے پانی کا استعمال کم کر دینا چاہئے تاکہ پرسکون اور گہری نیند میسر آسکے۔
ماہرین کا کہنا ہے کہ نیند کی کمی جسم میں پانی کی کمی کی جانب اشارہ کرتی ہے اور ایک مطالعہ سے بات ثابت ہوئی جس میں بالغوں کی نیند کے دوارانیہ کو نوٹ کیا گیا تو معلوم ہوا ان میں نیند کا دورانیہ اس لئے کم تھا کیونکہ ان میں پانی کی کمی تھی۔
ماہرین کا مزید یہ بھی کہنا ہے کہ جس طرح پانی کی کمی نیند کے دورانیہ کو متاثر کرتی ہے اس طرح رات میں سونے سے قبل زیادہ پانی پینا پیشاب کی حاجت کی بنا پر نیند میں خلل کا سبب بنتا ہے اسی لیے ماہرین دن کے اوقات میں زیادہ پانی کا مشورہ دیتے ہیں تاکہ جسم کو مناسب مقدار میں پانی میسر آسکے۔ لیکن یہ بات ہر فرد کے لئے ممکنہ طور پر وثوق سے نہیں کہی جاسکتی کیونکہ ہر فرد کا کھانے پینے اور سونے جاگنے کے انداز اور اوقات کار مختلف ہوتے ہیں۔
پھر بھی رات سونے سے چند گھٹے پانی کی مقدار کم کرنا بہتر نیند کی ضامن ہے اگرچہ جسم میں پانی کی کمی نہیں ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News