نوجوان نے یوگا مشق کا مشکل ترین آسن (پوز) میں سے ایک میں مسلسل 29 منٹ گزاردئیے جس کے اعزاز میں ان کا نام گنیز بک آف ورلڈ ریکارڈ میں شامل کیا گیا ہے۔
بھارت کے22 سالہ یوگا استاد، یش مورادیا ویسے بھی یوگا سکھانے کے لیے عالمی شہرت رکھتے ہیں۔ انہوں نے یوگا کے فوائد کے متعلق ایک ویڈیو بنانے کا فیصلہ کیا جس میں انہوں نے اسکارپیئن (بچھو) پوز کا انتخاب کیا۔ اس آسن میں دونوں ہاتھوں کو زمین پر رکھ کر دونوں ٹانگوں کو عین اسی طرح گول دائرے میں موڑ کر سر کے اوپر تک لایا جاتا ہے جس طرح بچھوں اپنے ڈنک والی دم گھماکر بدن کے اوپر کچھ فاصلے پر رکھتا ہے۔ یہ پوز بہت محنت اور مشق کا متقاضی ہے۔
یش نے کل 29 منٹ چار سیکنڈ تک مسلسل اسی پوز کو برقرار رکھا جو ایک محال عمل بھی ہے۔
’بچھو آسن، استقامت اور توازن کو ظاہر کرتی ہے۔ اسے کرنے کا مقصد دماغی طور پر مضبوط ہونا ہے۔ یوگی جتنی دیر اسے برقرار رکھتے ہیں وہ اسی لحاظ سے مشکل حالات کو سہنا اور اس میں حیات کو برقرار رکھنا سیکھتے ہیں۔ دوسری جانب یہ آسن زندگی کو باوقار بھی بناتا ہے،‘ یش نے بتایا۔
یش مورادیا نے بتایا کہ بچھو پوز کا گزشتہ ریکارڈ چار منٹ کا تھا جسے مسلسل پانچ سال کی مشق کے بعد توڑنا ممکن ہوا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News