گندم
پاکستان فلور ملز ایسوسی ایشن کا کہنا ہے کہ حکومتی پابندیوں کے سبب گندم کی قلت کا خدشہ پیدا ہوگیا ہے۔
پاکستان فلور ملز ایسوسی ایشن کا آل پاکستان اجلاس ہوا جس میں چاروں صوبوں کے عہدے داروں نے شرکت کی۔
اجلاس کے بعد جاری اعلامیے میں پاکستان فلور ملز ایسوسی ایشن نے حکومت سے مطالبہ کیا کہ ملک بھر میں گندم اجرا کے سرکاری نرخ یکساں ہونے چاہییں۔
فلور ملز ایسوسی ایشن کی جانب سے جاری اعلامیے میں کہا گیا ہے کہ نجی سیکٹر میں گندم کے وافر ذخائر موجود ہیں، حکومت پکڑ دھکڑ کا سلسلہ بند کرے، حکومتی پابندیوں کی وجہ سے کم پیداواری صوبوں میں گندم کی قلت بڑھ رہی ہے، ملک بھر میں نجی گندم کی نقل و حمل پر کوئی پابندی نہ لگائی جائے۔
اعلامیے میں مزید کہا گیا ہے کہ گندم کی قلت کا خدشہ ہے، حکومت مؤثر امپورٹ پالیسی بنائے۔ دریں اثنا پاکستان فلور ملز ایسوسی ایشن نے آٹا کی قیمتوں میں اضافے کو حکومت کی ناقص منصوبہ بندی قرار دے دیا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
