فیصل کریم کنڈی نے کہا ہے کہ عمران خان کی بنیادی تربیت جھوٹ بول کر عوام کو گمراہ کرنا ہے۔
تفصیلات کے مطابق ترجمان پیپلزپارٹی فیصل کریم کنڈی نے عمران خان کی تقریر پر رد عمل دیتے ہوئے کہا کہ تم نے ریاست مدینہ کی بات کرکے ملک کو ریاست کوفہ بنا دیا تھا۔
انہوں نے کہا کہ تم نے 200 ارب ڈالر لانے کا وعدہ کرکے ملک کو 22 ہزار ارب کا مقروض کردیا، غریبوں کی جھونپڑیاں مسمار کرواکر اپنا محل ریگیولرزئیز کراتے ہوئے شرم کیوں نہیں آئی؟
فیصل کریم کنڈی کا کہنا تھا کہ عمران خان کے مالی سہولت کاروں نے این ایل جی کی خریداری میں 650 ارب کی چوری کی جبکہ عمران خان کی بنیادی تربیت جھوٹ بول کر عوام کو گمراہ کرنا ہے۔
ترجمان پیپلزپارٹی فیصل کریم کنڈی کا مزید کہنا تھا کہ آصف علی زرداری نے ملک بچانے کی خاطر تمہیں اقتدار سے نکالا۔
واضح رہے کہ چیئرمین پاکستان تحریک انصاف عمران خان نے بھکر میں جلسے سے خطاب کرتے ہوئے کہا تھا کہ اس گرمی میں آنے کیلئے عوام کا شکریہ ادا کرتا ہوں۔
انہوں نے کہا تھا کہ رانا ثناءاللہ کو خراج تحسین پیش کرتا ہوں، آپ کو لوٹا کرنے کی کوشش کی گئی اور آپ نہیں ہوئے۔
عمران خان کا کہنا تھا کہ نظریہ ایک انسان کو قبلہ دیتا ہے، ہم اللہ کے سوا کسی کے سامنے نہیں جھکتے، جب ایک انسان کا نظریہ نہیں ہوتا تو جہاں سے پیسے ملے وہ ادھر جاتا ہے۔
ان کا یہ بھی کہنا تھا کہ گھر گھر جا کر آپ نے بتانا ہے کہ یہ الیکشن نہیں جہاد ہے، یہ چور30 سال سے اس ملک کا خون چوس رہے ہیں، میں ان چوروں کیخلاف جہاد کرنے آیا تھا، یہاں کے میر جعفر اور میر صادق کے ساتھ مل کرانہوں نے منتخب حکومت کو گرایا۔
چیئرمین پاکستان تحریک انصاف عمران خان کا مزید کہنا تھا کہ یہ لوگوں کو ڈرا دھمکا رہے ہیں، ہم کبھی بھی ان امریکہ کے غلاموں کو تسلیم نہیں کریں گے، میرے اوپر15ایف آئی آر کاٹی ہیں، میری جان بھی قربان ہو جائے کبھی ان چوروں کو تسلیم نہیں کروں گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News