بھارت کے سابق لیجنڈ کھلاڑی نے اپنے ایک بیان میں کہا کہ پاکستان ورلڈ کپ جیتا تو بابر اعظم پاکستان کے وزیر اعظم بنیں گے۔
تفصیلات کے مطابق ایڈیلیڈ اوول میں بھارت اور انگلینڈ کے درمیان سیمی فائنل سے قبل سنیل گواسکر نے کہا کہ اگر پاکستان ٹورنامنٹ جیتنے میں کامیاب ہوتا ہے تو بابر اعظم 2048 میں ملک کے وزیر اعظم بن جائیں گے۔
میلبورن کرکٹ گراؤنڈ کل ٹی ٹوئنٹی ورلڈ کپ 2022 کے فائنل میں بابر اعظم کی قیادت میں پاکستان کا مقابلہ انگلینڈ سے ہوگا۔ جاری ٹورنامنٹ میں ٹیم کی مہم اور 1992 کے 50 اوور کے ورلڈ کپ کے درمیان غیر معمولی مماثلت پائی گئی ہے، جسے پاکستان نے عمران خان کی قیادت میں جیتا تھا۔
ورلڈ کپ کی دونوں مہمات کے درمیان مماثلت کے بارے میں بہت سے میمز اور لطیفے سامنے آئے ہیں اور اب سابق بھارتی کپتان سنیل گواسکر کا ایک دلچسپ تبصرہ سوشل میڈیا پر وائرل ہو رہا ہے۔۔
سنیل گواسکر نے ایک اسپورٹس چینل کو انٹرویو دیتے ہوئے کہا کہ آپ کو معلوم ہے کہ اگر پاکستان ورلڈ کپ جیتتا ہے تو 2048 میں بابر اعظم پاکستان کے وزیر اعظم ہوں گے۔
— Guess Karo (@KuchNahiUkhada) November 10, 2022
سنیل گواسکر نے کہ موجودہ ٹی ٹوئنٹی ورلڈ کپ اور 1992 کے 50 اوورز کے ورلڈ کپ میں ایک غیر معمولی مماثلت ہے جو پاکستان نے عمران خان کی قیادت میں جیتا تھا، اس ٹورنامنٹ میں پاکستان نیچے سے اوپر آیا تھا اور ٹیم نے ٹائٹل اپنے نام کرنے کے لیے شاندار کارکردگی کا مظاہرہ کیا تھا۔
سنیل گواسکر نے کہا کہ کہ اتفاق سے 1992 کے ورلڈ کپ میں پاکستان کا فائنل میں انگلینڈ سے مقابلہ ہوا تھا اور یہ وسیم اکرم ہی تھے جنہوں نے میچ وننگ پرفارمنس پیش کی تھی۔
انگلینڈ کے خلاف ٹی ٹوئنٹی ورلڈ کپ کے فائنل سے قبل کپتان بابر اعظم سے 1992 کے ٹورنامنٹ سے مماثلت کے بارے میں پوچھا گیا۔
سنیل گواسکر کے اس بیان پر بابر اعظم نے پریس کانفرنس میں کہا کہ مماثلت موجود ہے اور ہم ٹرافی جیتنے کی کوشش کریں گے، اس ٹیم کی قیادت میرے لیے خاص طور پر اس بڑے گراؤنڈ پر بڑے اعزاز کی بات ہے۔
بابر اعظم نے کہا کہ ہم اپنا 100 فی صد دینے اور جیتنے کی کوشش کریں گے، ہمارا آغاز اچھا نہیں تھا، لیکن جس طرح ٹیم واپس آئی اور کھلاڑی شیروں کی طرح لڑے.
یاد رہے کہ 1992 اور 2022 کے دونوں ورلڈ کپ میں پاکستان نے اپنی مہم کا آغاز میلبورن کرکٹ گراؤنڈ میں شکست کے ساتھ کیا۔ دونوں ٹورنامنٹس میں پاکستان کو بھارت کے ہاتھوں بھی شکست کا سامنا کرنا پڑا، اور دونوں ٹورنامنٹس میں، پاکستان آخری دن ایک ایک پوائنٹ سے سیمی فائنل میں پہنچ گیا
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News