ای سی سی نے گندم کی فی من قیمت 3900 روپے مقرر کرنے کی منظوری دیدی ہے۔
تفصیلات کے مطابق وزیر خزانہ اسحاق ڈار کی زیر صدارت اقتصادی رابطہ کمیٹی کا اجلاس ہوا جس میں اقتصادی رابط کمیٹی نے 5 ارب روپے کے رمضان پیکیج کی منظوری دی۔
ای سی سی نے گندم کی فی من قیمت 3900 روپے مقرر کرنے کی منظوری دی جبکہ کے الیکٹرک صارفین کے لیے دوسری اور تیسری سہ ماہی میں یکساں ٹیرف کی منظوری بھی دی گئی۔
رمضان پیکج کے تحت 19 اشیاء پر سبسڈی یوٹیلیٹی اسٹورز کے ذریعے دی جائے گی۔
گزشتہ سال کے مقابلے میں رواں سال رمضان پیکج میں 3 ارب سے زائد کی کمی
گزشتہ سال کے مقابلے میں رواں سال رمضان پیکج میں 3 ارب سے زائد کی کمی کردی گئی ہے۔
تفصیلات کے مطابق گزشتہ سال کے مقابلے میں رواں سال رمضان پیکچ میں 3 ارب 28 کروڑ روپے کی کمی تجویز کی گئی ہے، بول نیوز نے یوٹیلیٹی اسٹورز پر رمضان ریلیف پیکج 2023 کی تفصیلات حاصل کرلیں ہیں۔
ذرائع کے مطابق رواں سال یوٹیلیٹی اسٹورز پر 4 ارب 99 کروڑ 70 لاکھ روپے کا رمضان پیکج تجویز کیا گیا ہے جبکہ گزشتہ سال پی ٹی آئی حکومت نے 8 ارب 28 کروڑ روپے کا رمضان پیکیج منظور کیا تھا۔
رواں سال رمضان پیکیج کو ٹارگٹڈ اور اِن ٹارگٹڈ سبسڈی میں تقسیم کرنے کی تجویز ہے جبکہ رمضان ریلیف پیکیج کے تحت 19 اشیاء پر سبسڈی دینے کی تجویز ہے۔
بی آئی ایس پی مستحقین کیلئے گھی اور چائے پر فی کلو 100,100 روپے سبسڈی تجویز کی گئی ہے جبکہ رمضان ریلیف پیکچ کے تحت آٹے پر فی کلو 51 روپے 92 پیسے کی سبسڈی تجویز ہے۔
چینی، دودھ اور مشروبات پر 30,30 روپے سبسڈی دینے کی تجویز ہے جبکہ بیسن اور کھجور پر فی کلو 50 اور آئل پر 25 روپے کی سبسڈی تجویز دی گئی ہے۔
رمضان ریلیف پیکچ کے تحت دالوں اور چاول پر 20 ,20 روپے کی سبسڈی جبکہ بی آئی ایس پی مستحقین کے سوا باقی شہریوں کیلئے آٹے پر فی کلو27 روپے 12 پیسے سبسڈی تجویز کی گئی ہے۔
دالوں اور چاول پر فی کلو 20، 20 روپے سبسڈی تجویز ہے جبکہ چینی 11 اور گھی پر فی کلو 25 روپے کی سبسڈی تجویز کی گئی ہے۔
گھی 25 ، بیسن اور کھجور پر 50 ,50 روپے کی سبسڈی تجویز دی گئی ہے جبکہ رمضان پیکیج کے تحت ان ٹارگٹڈ سبسڈی کی مد میں 3ارب 84 کروڑ 45 لاکھ روپے تجویز دی گئی ہے۔
ٹارگٹڈ سبسڈی کی مد میں 1 ارب 15 کروڑ 25 لاکھ روپے رکھنے کی تجویز ہے جبکہ میڈیا پر رمضان پیکیج کی مہم کیلئے 14 کروڑ 50 لاکھ روپے تجویز ہیں۔ رمضان ریلیف پیکج کی ای سی سی اور وفاقی کابینہ سے منظوری لی جائے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News