9 مئی کے حوالے سے وزیر دفاع خواجہ آصف کا بیان سامنے آ گیا
وزیر دفاع خواجہ آصف نے کہا ہے کہ پاک افغان بارڈر ساری دنیا کی روایتی بارڈر سے مختلف ہے۔
وفاقی وزیر دفاع خواجہ آصف نے اپنے ایک بیان میں کہا کہ پاکستان میں ہونے والی دہشتگردی کا کامبہ افغانستان میں ہے، دہشت گردی کے واقعات میں اضافہ کے پیش نظر بارڈر کی صورتحال میں بنیادی تبدیلی کی ضرورت ہے۔
انہوں نے کہا کہ باوجود ہماری کوششوں کے کابل اس سمت کوئی پیش رفت نہیں کر رہا، دہشت گردی کے ٹھکانے انکے علم میں ہونے کے باوجود انکی سر زمین سے پاکستان کے خلاف آزادانہ آپریٹ کر رہے ہیں۔
خواجہ آصف نے یہ بھی کہا کہ موجودہ حالات میں پاکستان کو کابل سے تعاون میسر نہیں، پاک افغان بارڈر ساری دنیا کی روایتی بارڈر سے مختلف ہے، پاکستان کو اس بارڈر پر تمام بین الاقوامی قوانین اور روایت نافذ کرنا ہونگے۔
وفاقی وزیر دفاع خواجہ آصف نے مزید کہا کہ دہشت گردوں کی ٹریفک ختم کرنی ہوگی، اسطرح دونوں ممالک روایتی اچھے ہمسایوں کی طرح اپنے تعلقات کو فروغ دے سکتے ہیں، پاسپورٹ اور ویزہ کے ذریعے سفر کی سہولتیں جاری رکھی جاسکتی ہیں۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
