سرد موسم عموماً لوگوں کو پسند ہوتا ہے کیونکہ وہ گرمی سے بچے رہتے ہیں اور انہیں گرم کپڑے پہننے کا موقع بھی مل جاتا ہے۔

لیکن کیا آپ جانتے ہیں کہ اکثر لوگ سردی کے موسم میں شادی کرنا کیوں پسند کرتے ہیں؟ تو آئیے جاننے کی کوشش کرتے ہیں۔

دیکھنے میں آیاہے کہ سردی کے موسم میں شادیوں کی تقریبات میں جانے سے نہ بچے گھبراتے ہیں، نہ خواتین اور خاص طور پہ لڑکیوں کو تو سردی کی شادی بلکل بری نہیں لگتی ہے کیونکہ کپڑے چاہے کتنے بھی بھاری پہن لیں پسینہ آنے کا ڈر ہوتا اور نہ گرمی لگنے کا۔

سردی کے موسم میں شادی کرنے کے ایسے ہی چند ایک فوائد ہم آپ کو بتانے جارہے ہیں جن کو جان کر آپ بھی اس موسم میں تقریبات میں شرکت کرنا پسند کریں گے۔

سرد  موسم میں شادی کرنے کا  ایک بڑا فائدہ یہ ہے کہ لڑکیوں اور خواتین کو کپڑے پہننے کے بعد کسی الجھن کا سامنا نہیں کرنا پڑتا ، کپڑوں میں چاہے کتنے ہی موتی ہوں یا کڑھائی کا بھاری کام ہو ان کو آسانی سے سنبھال لیا جاتا ہے اور نہ پسینے کی فکر ہوتی ہے۔

ایک اور وجہ یہ ہے کہ گرمی نہ ہونے کی وجہ سے آپ کا اتنی محنت سے کیا ہوا میک اپ  بھی ضائع نہیں ہوتا بلکہ تقریب کے شروع سے آخر تک میک اپ بھی ایک جیسا فکس رہتا ہے۔

سردیوں میں کپڑوں کے ساتھ میچنگ کی شال بھی  لباس کو چار چاند لگادیتی ہے اور یوں سردی سے بھی بچے رہتے ہیں۔

شادی کے بعد عموماً لوگ گھومنے پھرنے کے  لیے باہر جاتے ہیں اور  گھومنے کے لیے ہر شخص کی خواہش ہوتی ہے کہ موسم بھی خوب مزے دار   اور ٹھنڈا ہو تو اس لحاظ سے بھی سردی کی شادیاں بڑی فائدہ مند رہتی ہیں۔

سرد موسم کا ایک فائدہ یہ بھی ہے کہ اس موسم میں جیسا چاہیں ہیئر اسٹائل بنالیں آپ کے بال خراب نہیں ہوتے اور ہیئر اسٹریٹنر  کیے بغیر ہی بال سیدھے رہتے ہیں۔