آپ نے اکثر سنا ہوگا کہ ماہرین آپ کی صحت کے لئے صبح سویرے گھاس پر چلنے کی ہدایت کرتے ہیں اور خاص طور پر بڑھتی عمر کے لوگوں کو یہ تاکید ضرور کی جاتی ہے۔

لیکن کیا آپ جانتے ہیں کہ ماہرین ایسا کرنے کی ہدایت آخر کیوں دیتے ہیں؟ آئیں جانتے ہیں۔

جو لوگ گھاس پر ننگے پاؤں چلنے کو اپنی عادت بنا لیتے ہیں وہ جانتے ہیں کہ یہ نہ صرف آ پ کی آنکھوں کے لئے مفید ہے بلکہ آپ کی ذہنی نشونما کے لئے بھی بے حد مفید ہے ۔

ماہرین کے مطابق پاؤں آپ کے جسم کا وہ حصہ ہے جس کا آپ کے دماغی سکون سے گہرا تعلق ہے اور جو آنکھوں، کانوں، جگر، اعصابی نظام، معدے، گردے اور دماغ سمیت جسم کے تمام اعضاءسے ربط رکھتے ہیں ۔

ماہرین کا کہنا ہے کہ جب ہم زمین پر ننگے پاﺅں چلتے ہیں توہم مکمل طور پر زمین کے مقناطیسی نظام سے جڑ جاتے ہیں، اور اس وجہ سے ہمارے جسم کے الیکٹریکل اور میگنیٹک شعاعوں کا اثر ضائع ہو جاتا ہے۔

صبح کے وقت گھاس پر چلنے کے نا قابل یقین فوائد ہیں، سورج کی روشنی میں شامل توانائی میں اضافہ اور بحالی کے لئے نہایت مفید ہے۔

تازہ آکسیجن آپ کے جسم کے نظام کو بہتر بناتی ہے، سورج کی روشنی سے حاصل ہونے والے وٹامن ڈی ہڈیوں کو مضبوط بناتے ہیں اور پرسکون ماحول آپ کے تمام جسم اور دماغ کو سکون فراہم کرتا ہے۔