موسم سرما ٹھنڈی ہواؤں کے ساتھ پھلوں اور سبزیوں کی کئی سوغاتیں بھی لاتا ہے انہیں میں مٹر بھی شامل ہیں۔ مٹر کو پہلے زمانے میں سردیوں کی ایک خاص سبزی تصور کی جاتی تھی تاہم سائنسی ترقی کی بدولت اب یہ سارا سال بازار میں دستیاب  ہوتی ہے۔

آپ کو یہ جان کرنہایت حیرت ہوگی کہ بنیادی طور پر مٹر سبزی نہیں بلکہ دالوں کے خاندان سے تعلق رکھتے ہیں۔ تاہم اسے سبزیوں میں ہی شمار کیا جاتاہے۔ مٹربچوں اور بڑوں میں یکساں مقبول ہیں۔ یہ سبزی اتنی ورسٹائل ہے کہ اس سے کئی طرح کے پکوان تیار کیے جاتے ہیں۔

چھوٹے اور سبز دانوں والی یہ سبزی دنیا میں تقریباً ہر جگہ دستیاب ہوتی ہے۔ مٹر میں کئی صحت بخش غذائی اجزا موجود ہوتے ہیں جو آپ کی صحت کے لیے بے حد ضروری ہیں۔

مٹھی بھر مٹربھی اپنے اندر کئی غذائی اجزاء لیے ہوتے ہیں جو صحت کے کئی مسائل کو حل کرنے کی صلاحیت رکھتے ہیں۔ مٹرمیں میگنیشیم، وٹامن کے، اے، سی اور بی وٹامنز بھی پائے جاتے ہیں۔ جبکہ یہ  فولاد، نشاستہ، پروٹین، وٹامن اے، ایچ، بی، ای اور سی کے حصول کا بھی مؤثر ذریعہ ہے۔

 جدید تحقیق کے مطابق اس میں پروٹین 23 فیصد، کاربوہائیڈریٹس 50 فیصد، جبکہ وٹامن بی کافی مقدار میں پایا جاتا ہے۔ اس میں سلفر یعنی گندھک اور فاسفورس بھی دیگر اجزا کی نسبت زیادہ ہوتے ہیں۔

اس میں شامل امینو ایسڈ جو پروٹین بناتے ہیں پٹھوں اور ہڈیوں کو طاقت دیتے ہیں اور ہارمون اور انزائم جسمانی ساخت کے علاوہ جلد کی خوبصورتی اور نشوونما میں مددفراہم کرتے ہیں۔

مٹر کا سب سے بڑا فائدہ ان مریضوں کوہوتا ہے جن کے جسم میں خون کی کمی ہوتی ہے۔ طبی ماہرین کے مطابق مٹر نیا خون بنانے میں کسی بھی دوا سے زیادہ مؤثرثابت ہوتا ہے، مٹر کھانے سے جسم میں نشاستہ کی کمی پوری ہوجاتی ہے۔ یہ جسم میں پروٹین اور فولاد کی کمی کو بھی دور کرتا ہے۔

مٹر کھانے سے خون میں صرف اضافہ ہی نہیں ہوتا بلکہ صاف خون پیدا ہوتا ہے۔ کمزور اور ناتواں جسم کے لیے یہ انتہائی فائدہ مند ہے، اسے کھانے سے جسم فربہ ہوتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں