ہئير اسٹائل وہی بہتر لگتا ہے جو کہ آپ کے چہرے کی مناسبت سے بنایا جائے۔

بال خواتین کی شخصیت کو یکسر تبدیل کردیتے ہیں، اگر بہترین میک اپ اور  لباس زیب  کے بعد آپ بالوں کو کس کر باندھ دینگی تو یقیناً بہت بری لگے گی۔

حُسن کو چار چاند لگانے میں بال بھی اہم کردار ادا کرتے ہیں۔

اپنی اس اسٹوری میں آج ہم آپ کو اس حوالے سے  بتائيں گے کہ چہرے کے ساتھ کیسے بال سوٹ کرتے ہیں؟

گول چہرہ

اگر آپ کا چہرہ گول ہے اور سادگی پسند ہیں تو اپنے بالوں کو سیدھا یا اپنے چہرے کے ساتھ لہراتا رکھیں۔

عام طور پر گول چہرے کے ساتھ لمبے بال بہترین ہوتے ہیں، اپنے کانوں کے ارد گرد بہت زیادہ بال رکھنے سے گریز کرنا بہتر ہے اور کان کی لمبائی والے بالوں کا انداز شاید آپ کے مطابق نہیں ہوگا کیونکہ اس سے آپ کا چہرہ اور بھی گول نظر آئے گا۔

دل کی شکل والا چہرہ

دل کی شکل کے چہرے والے لوگوں کی اکثر پیشانی چوڑی اور تھوڑی تنگ ہوتی ہے۔

بہت سے ہیئر اسٹائل اس شکل کے مطابق ہوتے ہیں۔

آپ کے سر کے اوپر بہت زیادہ بالوں کا حجم اچھا ہے، کیونکہ یہ آپ کے چہرے کو مثبت انداز میں ابھارتا ہے۔ یہاں تک کہ آپ بولڈ ہیئر اسٹائل کی جانب بھی جا سکتے ہیں۔

بیضوی چہرہ

بہت سے مختلف بالوں کے انداز بھی بیضوی (اوول) چہرے کے مطابق ہوتے ہیں۔

اس چہرے کی شکل والے لوگوں کی عام طور پر بالوں کی لکیر تھوڑی گول ہوتی ہے، درمیانی لمبائی والے ہیئر اسٹائل بیضوی چہرے کے ساتھ بہترین نظر آتے ہیں، چھوٹے بال کٹوانے سے گریز کرنا بہتر ہے، کیونکہ یہ آپ کے سر کے اوپری حصے کو واضح کرتا ہے اور اس سے آپ کا چہرہ اور بھی لمبا نظر آتا ہے۔