کورونا وباء پر کامیابی سے قابو پانے پر جاپانی سفیر کی پاکستان کو مبارکباد پیش کی گئی ہے۔
تفصیلات کے مطابق جاپانی سفیر متسودا کونی نوری نے پاکستانی حکومت اور عوام کو کوویڈ 19 پر قابو پانے پر مبارکباد پیش کی گئی ہے۔
جاپانی سفارتخانہ کے مطابق جاپانی سفیر نے 15 ستمبر سے مرحلہ وار تعلیمی اداروں کو کھولنے کے فیصلے کو بھی سراہا ہے اور کوویڈ 19 کے خلاف ان کوشیشوں میں ملوث افراد کو خراج تحسین پیش کیا ہے۔
متسودا کونی نوری نے مستقبل میں کسی چیلنج کے مشترکہ مقابلے کے لئے پاکستان اور جاپان کے مابین تعاون کے فروغ کی ضرورت پر زور دیا ہے۔
اس حوالے سے جاپان کے سفیر کا کہنا تھا کہ کوویڈ 19 طویل بریک ڈاؤن کے بعد اس مرحلے میں تعلیمی اداروں کا دوبارہ کھلنا خوش آئند ہے، امید ہے کہ جلد ہی طلبہ اپنے اسکولوں، کالجوں اور جامعات لوٹ آئیں گے کیونکہ تعلیم کا شعبہ جاپانی حکومت کی ترجیح ہے۔
جاپانی سفیر کا کہنا تھا کہ جائیکا، حکومت پاکستان، یو این ایچ سی آر، یونیسیف کی شراکت سے جاپانی حکومت پاکستان کے تعلیمی اداروں کے ڈھانچے میں بہتری کی حمایت کرتی ہے اور پاکستان کے تعلیمی اداروں کے ڈھانچے میں یہ بہتری اسکولوں کی عمارات، تعلیمی مواد، نوجوانوں بشمول مہاجرین و خواتین کے لیے اسکولوں کی ترغیب کے ذریعہ ممکن ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News