وزیر مملکت برائے اطلاعات و نشریات فرخ حبیب نے کہا ہے کہ اس سال برآمدات میں تاریخی اضافہ ہوگا۔

سماجی رابطے کی ویب سائٹ ٹوئٹر پر اپنے ایک پیغام میں وزیر مملکت برائے اطلاعات و نشریات نے برآمدات کے حوالے سے بات کی ہے۔

وزیراعظم عمران خان نے حکومت ملتے ہی برآمدات بڑھانے پر توجہ دی اور اس سال جولائی تا فروری ایکسپورٹس 20.552 بلین ڈالرز ہے جو کہ پچھلے سال 16.324B$ سے 26% ریکارڈ اضافہ ہے

Advertisement

انشاللہ اس سال برآمدات میں تاریخی اضافہ ہوگا
جبکہ ایکسپورٹس ن لیگ کے 5 سالہ دور میں بڑھنے کیبجائے کم ہوگئی تھی

— Farrukh Habib (@FarrukhHabibISF) March 3, 2022

 اپنے پیغام میں فرخ حبیب نے کہا ہے کہ وزیراعظم نے اقتدار میں آتے ہی برآمدات میں اضافہ کرنے پر توجہ دی تھی کیونکہ ن لیگ کے 5 سالہ دور میں ایکسپورٹس بڑھنے کی بجائے کم ہوگئی تھیں۔

انہوں نے اعداوشمار جاری کرتے ہوئے بتایا ہے کہ رواں برس جولائی تا فروری ایکسپورٹس کا حجم 20.552 بلین ڈالرز ہے جو کہ گزشتہ سال کے16.324 ارب ڈالرزسے 26 فیصد ریکارڈ اضافہ ہے۔

دوسری جانب وزیر صنعت و پیداوار خسرو بختیار نے کہا ہے کہ رواں سال 30 ارب ڈالرکی برآمدات متوقع ہیں۔

خسروبختیار نے کہا کہ مینوفیکچرنگ کےبغیرکوئی صنعت ترقی نہیں کرسکتی، برآمدات کےفروغ کیلئے مینوفیکچرنگ کی شرح25 فیصد لانا ضروری ہے۔

انہوں نے کہا کہ شرح نمومیں مینوفیکچرنگ کاحصہ کم ہوکر13 فیصد ہوگیا، لارج اسکیل مینوفیکچرنگ ساڑھے7 فیصدکی شرح سےبڑھ رہا ہے۔

خسروبختیار کا کہنا تھا کہ حکومتی اقدامات سےبیمارصنعتی یونٹس بحال ہوجائیں گے۔